上海姥姥 (上水中心)

營業中

休息中

好多年前食過依間，不過係尖沙咀星光行分店，當時係食下午茶，所以唔係幾好食啲嘢又凍。今次再試上水依間分店，又幾好食。小籠包係鮑魚版本， 40幾蚊有四粒，入邊真係有一粒好細嘅鮑魚，比想像中好食。酸辣湯麵就不過不失，反而個四川皮蛋就有啲驚喜，個汁好好食。賽螃蟹都係正常表現，但買到90幾蚊就真係有少少overpriced 。如果平少少就值得食，因為賽螃蟹其實都唔容易整。另外鍋貼就個皮太厚，食完好滯，但味道係好食嘅。最後嗰個豆沙窩餅都係正常表現。