影片
更多
2019-02-01
420 瀏覽
最近好多公司同家族團年飯，今晚想享受下二人世界，但又想有兩口子食團年飯嘅感覺，就黎下酒樓。餐牌好似同Openrice度見到嘅有少少唔同，可能轉左新年餐牌啦，價錢比平時貴dd。我地叫左一個肉類兩個菜。傳菜姐姐好細心，見我一個人坐喺度另一半仲未黎，就幫我用蓋蓋住d餸，怕佢凍左。老公黎到之後，樓面姐姐又即刻好醒目咁過黎幫我地揭起d蓋，每次行過黎仲會同我地傾下計，呢度嘅服務都令人留下幾深刻嘅印象。先黎魚香茄子煲($88)，茄子夠哂淋同入味，加埋肉碎、咸魚同埋少少辣椒，味道岩岩好唔會太油或者太咸，好岩送飯，食到最後一啖我地爭食添，哈哈之後係秘製無錫骨煲($98)，無錫骨原來係類似金沙骨，先炸過再加入芡汁，食落香口得黎唔會太熱氣，底下墊左好多洋蔥，夠淋又好甜，我地都食哂。蒜蓉炒西蘭花($75)，呢個菜清清地通常都唔會唔好食，西蘭花熟嘅程度幾岩我地，唔會太硬太軟。團年飯當然要食埋甜品先完滿，所以我地將食唔哂嘅兩舊骨同幾舊西蘭花拎走左，再叫左兩個甜品。九款入面其實我地樣樣都想食，眼闊肚窄，最後決定揀兩個熱嘅。原個椰皇燉燕窩($45)，溫度控制得唔錯，黎到等左大約十秒就可以食，唔會話熱得好緊要，蛋白層混
餐牌好似同Openrice度見到嘅有少少唔同，可能轉左新年餐牌啦，價錢比平時貴dd。
我地叫左一個肉類兩個菜。傳菜姐姐好細心，見我一個人坐喺度另一半仲未黎，就幫我用蓋蓋住d餸，怕佢凍左。老公黎到之後，樓面姐姐又即刻好醒目咁過黎幫我地揭起d蓋，每次行過黎仲會同我地傾下計，呢度嘅服務都令人留下幾深刻嘅印象。
先黎魚香茄子煲($88)，茄子夠哂淋同入味，加埋肉碎、咸魚同埋少少辣椒，味道岩岩好唔會太油或者太咸，好岩送飯，食到最後一啖我地爭食添，哈哈
之後係秘製無錫骨煲($98)，無錫骨原來係類似金沙骨，先炸過再加入芡汁，食落香口得黎唔會太熱氣，底下墊左好多洋蔥，夠淋又好甜，我地都食哂。
蒜蓉炒西蘭花($75)，呢個菜清清地通常都唔會唔好食，西蘭花熟嘅程度幾岩我地，唔會太硬太軟。
團年飯當然要食埋甜品先完滿，所以我地將食唔哂嘅兩舊骨同幾舊西蘭花拎走左，再叫左兩個甜品。九款入面其實我地樣樣都想食，眼闊肚窄，最後決定揀兩個熱嘅。
原個椰皇燉燕窩($45)，溫度控制得唔錯，黎到等左大約十秒就可以食，唔會話熱得好緊要，蛋白層混入椰水，好香濃又夠滑，燕窩都有成匙，估唔到呢度比好多甜品舖整得好。香芋西米焗布甸($16)，呢種懷舊甜品而家比較少見，所以每次見到必點，布甸個面輕輕燒過，中間係西米布甸，底層係芋泥，撈埋一齊食，口感同味道都好正。
我六點半黎到大約只係坐左1/4嘅檯，八點半走已經全個廳滿座了，好彩我醒目提早book位。
每人二百，已經係新年餐牌價，都算好合理啦。
張貼
