影片
更多
2024-05-06
431 瀏覽
今日又係食日本菜既時間啦！呢度晚市套餐都有幾款，我地就食梅，一個好豐富既二人套餐！先上枱既係和牛他他沙津同前菜三點，前菜係蒜頭漬，檸檬果凍，水雲，最特別係檸檬果凍，甜甜酸酸，味道特別(^з^)而之後就有和牛壽司，和牛既面頭都有海膽，味香鮮甜，海膽既鮮味更加帶出和牛既牛香，而且和牛充滿油份，油香滿滿，味道更加香呀(^o^)另外呢亦有壽喜燒，用既肉都係鳥取A5大山黑毛和牛盛盒，入面有肩胛里脊、上後腰脊肉、西冷、丸芯、肋間肉、內腿肉，當中最特別一定係丸芯，原來係牛入面大三角部分既厚切，口感幾有咬口，有啲筋位，口感特別又重牛香(≧▽≦)另外又有野菜拼盤，主食亦有和牛味噌煮同和牛油渣飯，以和牛入饌，牛肉既肉香滿滿地發揮出黎！清湯同甜品更加係成餐既完美作結呀！
今日又係食日本菜既時間啦！呢度晚市套餐都有幾款，我地就食梅，一個好豐富既二人套餐！
先上枱既係和牛他他沙津同前菜三點，前菜係蒜頭漬，檸檬果凍，水雲，最特別係檸檬果凍，甜甜酸酸，味道特別(^з^)
而之後就有和牛壽司，和牛既面頭都有海膽，味香鮮甜，海膽既鮮味更加帶出和牛既牛香，而且和牛充滿油份，油香滿滿，味道更加香呀(^o^)
另外呢亦有壽喜燒，用既肉都係鳥取A5大山黑毛和牛盛盒，入面有肩胛里脊、上後腰脊肉、西冷、丸芯、肋間肉、內腿肉，當中最特別一定係丸芯，原來係牛入面大三角部分既厚切，口感幾有咬口，有啲筋位，口感特別又重牛香(≧▽≦)
另外又有野菜拼盤，主食亦有和牛味噌煮同和牛油渣飯，以和牛入饌，牛肉既肉香滿滿地發揮出黎！
清湯同甜品更加係成餐既完美作結呀！
張貼
