時代冰室 (公主大廈) (已結業)

每日放工之後，最開心就係見到M佬，同佢食餐晚飯，閒話家常，或者講吓當日喺公司發生過嘅趣事，過一個簡簡單單嘅二人世界。今日M佬話想食吓小菜，叫餸食飯，所以嚟到屋企附近，位於炮台山嘅時代冰室。呢到食物選擇多，小菜、鐵板、焗飯、常餐、泰式等等都有，選擇困難症嘅字母粉實好困擾啦！泰式一口炸蝦餅炒蝦餅即叫即炸，夠晒熱辣辣。蝦餅香脆彈牙，加埋泰式辣醬就非常惹味。但就略嫌蝦餅比較薄身，口感一般。古法鹹香沙薑雞（半隻）沙薑雞鹹香十足，而且預先起骨(除咗雞中翼同雞翼尖)，食嘅時候啖啖肉，夠晒方便！但就略嫌雞比較細隻。魚香茄子煲講到撈飯又點少得魚香茄子煲呢？上枱嘅時候，個煲仲係滋滋聲，夠晒熱辣辣！鹹魚係呢個煲嘅靈魂，鹹香味濃，茄子非常入味！蟲草花上湯浸娃娃菜可以加配嘅蟲草花上湯浸娃娃菜，味道清淡，帶有淡淡嘅蟲草花鮮甜味。王牌豉汁蒸倉魚倉魚即叫即蒸，所以要俾啲耐性。倉魚嘅蒸煮時間啱啱好，所以肉質嫩滑，而重點當然係同倉魚最夾嘅鼓汁啦，相當惹味。