十三少 (已結業)

想食酸菜魚好耐，見到屋企附近開左間新餐廳，太開心啦，我地叫左個二人套餐，份量多好抵食啊。椒麻皮蛋椒香味重，蒜蓉夠多，皮蛋蛋黃流心，非常開胃。口水雞醬汁舖滿全碟，雞件非常嫩滑，唔會過老，味道亦唔會好辣。十三少酸菜魚主角酸菜魚可以選擇辣度，我地叫左小辣 非常非常大碟，魚肉無骨啖啖肉，酸菜加配料都好多，湯底酸酸辣辣，食哂都唔會覺得飽滯。紅糖糍粑加$28就有，一定要食，口感軟糯，煙煙韌韌，紅糖味道唔會好甜，必點之選。