利寶閣 (已結業)

本身同朋友想黎試下呢到嘅片皮鴨，可惜去到先知原來要預訂😭睇見隔離枱食得好開心，不過唔緊要當今餐少啲肉健康啲。欖仁蟹肉桂花炒瑤柱睇相見到呢味餸覺得好吸引，黎到嘅賣相平凡，以為係炒芽菜，不過食落又好有驚喜，有蟹肉，芽菜，瑤柱，欖仁同脆春卷皮，好有層次感又好惹味，送飯一流！差啲俾佢個賣相呃左。🤤👍🏻推！香芒名門大蝦球香芒大蝦有六件炸蝦球配芒果醬，上碟好靚好精緻，咬落炸蝦依然好脆，蝦肉新鮮彈牙，芒果醬之外真係有香甜嘅芒果粒，幾夾幾好味😋 $148黎講，有六粒而且質素唔錯，都算抵食！豐衣足食翡翠苗最後嗌左呢道菜，湯底好清甜，翡翠苗好嫩咬落唔會有渣兩個人的晚餐，簡簡單單整體都唔錯！