福門海鮮菜館 (已結業)

123突然間挑起條癮好想食雞煲，但又唔想要任食個種，所以行遠少少黎呢間福門。之前同屋企人食飯黎過一次，啲中式菜都唔錯，大大碟又幾好味，今次食埋個雞煲都好正，睇黎可以叫屋企人黎多次，老人家就食小菜，後生仔可以食雞煲。叫左小辣，不過呢間辣味唔勁，下次可以直接食大辣。個雞煲都幾香，上枱就聞到香味，啲汁黏度剛好可以包住雞肉，入口啖啖有汁有肉。雞肉唔係切得好大件，所以睇落有好多，食落幾嫩滑，就算煮，到最尾都唔會太硬，幾好。另外叫多隻燒鴨脾，真心覺得不得了！外皮燒到卜卜脆，肉質多汁夠鮮嫩，重點係唔會太肥膩，又唔會醃到無哂肉味，正呀！最後追加兩隻粉絲蒸蟶子皇，有手掌咁大隻，入口鮮甜爽脆，蒸得剛剛好，為今晚做完美Ending。