居食屋「和民」 (已結業)

屬於你和她的二人晚餐－居食屋 和民其實我都幾鍾意去和民食晚飯，因為選擇多，環境舒適，唔會趕你走，可以比你慢慢坐。員工亦都有禮貌。不過眾所周知，和民幾乎間間都成日排長龍，要等位，有時真係要等好耐，我地今次早左去，６點３０左右啦，而且係中環，星期六晚比較小人，所以就唔使等位。不過走既時候（８點３０左右就好多人排隊啦）而且非繁忙時段２－３個人都可以坐好大既卡位，好小會趕你走。情侶或者一家人食和民其實都幾方便，想食飯，麵，日式，韓式，小食都有。例如我個日想食飯，男朋友想食拉麵，又想食打邊爐，和民都可以滿足我 琴日食和民二人套餐，價錢＄２７８加一後大概要＄３００左右啦二人套餐份量真係好多，包括左一個沙律，三個小食（炸雞軟骨，三文魚，年糕）仲包一款前菜，主食同打邊爐：３真係好幸福：）慢慢食之後仲可以同男朋友慢慢傾計 慢慢嘆～