一鍋蜂 (已結業)

        是日去土瓜灣接女朋友放工，順便在呢區食完晚餐再返家。平時同佢出街食親都係韓國菜同日本菜，今次轉下口味食返中餐。我哋唔想去食太興、翠華等出名的餐廳，因為都食咗幾次，想試下其他小店，所以上Openrice揾附近的中菜食肆，揾到呢間“一鍋蜂”，見到菜色幾吸引，於是決定就揀呢間解決今晚這餐飯。        我哋6點幾去到，可能去得算早，里面暫時的我哋一枱食客。食緊時陸續有其他食客入黎，生意幾旺。餐廳內部整潔寬闊，環境都算唔錯。        睇完menu後，我哋叫咗頭抽煎豬肚帶子同黑椒蒜片和牛粒兩個小菜。兩個菜都值得推介！               帶子同豬肚份量好平均，而且都夠新鮮。豬肚食落無腥味，口感爽脆；帶子size夠大，外表煎至金黃色，稍微帶點香脆，肉質嫩口，夠彈牙，特別加咗香醇濃郁的頭抽顯得整道菜口感更加好。        蒜片炸到好香脆，蒜味極濃郁。和牛粒外層有焦香味，內部肉質軟綿鬆化。黑椒味同牛肉味混合甘香十足，食落口無渣又有點咬口，是一道惹味的菜式。         兩道菜好好味，我同女朋友都清曬盤，估唔到小店都有咁高的水準，下次食中菜又多一個選擇啦。