茶茶台式料理 (已結業)

話說呢一年，好多時一收工就會返屋企，直接買外賣返屋企食，或者等屋企人煮飯，都冇咩機會出到去出邊嘅餐廳食晚飯，因為最近疫情開始好轉，都多咗機會出去行吓街、食吓其他嘢，而今次呢就約咗女朋友出去旺角，陪佢睇吓衫褲鞋襪，而佢呢就陪我睇吓玩具，行完之後呢，就準備食晚餐啦，而我就問吓女朋友想食啲咩啦？，咁佢就話想食下台灣嘢，今次揀嘅地方，就係茶茶 台灣料理，而今次呢就叫 咗鹽酥雞扒滷肉飯，雞扒呢就非常香脆，滷肉飯嘅份量亦都非常之多，兩個人食啊都好足夠啊，亦都嗌左酥炸花枝丸，咬落去呢，非常彈口，配上泰式辣醬，好味道，佢最值得推介，就係涼拌木耳，作為前菜嘅話，非常開胃，份量又夠多，最重要佢係非常有益㗎，飲品就叫咗滿杯紅柚子，酸酸地幾開胃,場地呢就屬於非常光猛，店員都好友善有禮，坐得好舒服，食完就送女朋友返屋企啦