拳王泰國餐廳 (已結業)

泰國菜一年四季都啱食，我鍾意佢唔太熱氣，味道酸酸甜甜又開胃！呢間拳王泰國菜館就響一蘭拉麵附近，好易搵，坐低後侍應亦都送上一碟蝦片做前菜，估唔到碟蝦片有脆又香！蝦味亦出！鮮菜我哋叫咗啲個蟹肉夜明珠，起初我哋係比個名吸引嘅，估唔到入口都有驚喜！出面係大大原粒肉厚嘅荔枝肉，好甜，入面係嘮啖蟹肉！好鮮，估唔到兩者咁match！餐飲我飲咗芒果沙冰，唔太甜，入口滑，不錯。朋友嘅芒果梳打我冇試，但佢話唔太甜，仲有淡淡芒果肉，頗喜歡。主食我哋叫咗炒金邊粉，比想像中大碟好多，甜甜酸酸好開胃，金邊粉亦都好彈牙，外邊用蛋漿包住。另外燒雞翼亦都好驚喜，我地原本我叫左兩隻，上到枱有四隻，職員話係因為今日嘅雞翼比平時細所以送多兩隻俾我哋食。雞翼外皮燒得香脆！將脂肪迫了出來，肉質嫩！好香！我同朋友都係最鍾意呢道菜！