街頭火鍋

營業中

休息中

今日係朋友介紹之下，去咗銅鑼灣嘅街頭火鍋。入邊嘅裝修真係好特別，好有街頭嘅氣氛，而且店員嘅態度都非常之好，佢會推介一啲適合兩個人一齊食嘅菜單👍🏻我哋就揀咗一個二人餐佢都有豬或者牛去揀，我哋就揀咗要牛嘅套餐🐮係湯底方面我哋就要咗台式麻辣新鮮雞紅冰豆腐，佢入邊有好多好新鮮嘅雞血同埋超級爽口嘅豆腐🥳而且呢個麻辣湯底真係好值得鍾意食辣嘅人去試一試。我哋另外仲加點左幾樣嘢，分別係新鮮鵝腸、新鮮雞子同埋新鮮雞紅🥳牛肉方面都感到非常之新鮮，碌咗十幾20秒就啱啱好。個餐點仲包埋好多打邊爐必點嘅小食，包括有各色各樣嘅丸同埋有好多唔同嘅餃子類，每樣都可以好完美咁吸收到個湯底又帶出到自己嘅鮮味。