壹燒鵝 (興裕大廈) (已結業)

再一次俾大家團結嘅畫面感動左，今日同好多人一樣過左海，為免人多，我地一早就出發，喺天后呢邊食左飯先。沿路都見到好多餐廳排隊，我地隨便入到來，打算食燒味。壹燒鵝位於永興街，鋪面唔算大，但當日客人頗多，地下滿座，店員安排我地到二樓，哦，原來樓上都仲有位。地方闊落，呢個位好搞笑，仲有幾隻鵝。而家好多燒味店都採用比較新式嘅裝潢，吸引多左年輕人。除左燒味，都有一般小菜、飯麵。一人燒味餐：點左姐姐推介嘅二人餐，又真係幾抵食嘅。二人餐158，包左燒鵝拼兩款自選燒味(叉燒、油雞、切雞、燒肉)；一款60蚊以下小菜、灼菜/雲耳青瓜、白飯同冷熱飲品兩杯，基本上已經好夠食雲耳青瓜勁開胃，蒜香微辣，雲耳夠腍點左咖啡同檸茶，正常水準，咖啡唔錯。燒鵝拼玫瑰豉油雞、蜜汁叉燒賣相幾靚，燒鵝好香，我地鐘意偏瘦嘅，外皮薄脆，真係來多碟都唔夠喉叉燒份量不少，切成一口size，肥瘦3:7，入口軟腍，完全唔乾，帶少少蜜汁甜味，個人認為邊位如果脆啲更正！油雞唔錯，去皮肉滑小菜揀左滑蛋炒蝦球，份量足夠二人食，炒滑蛋名符其實夠滑，雖然略油左啲，不過唔油點會滑呢，哈。蝦球爽彈，唔係普通蝦仁仔，收貨