Pancake House HoiHoi (荃新天地) (已結業)

星期六去荃灣西學興趣班，媽媽👩🏻睇到Pancake House Hoi Hoi有二人餐$348,叫我打去book位，我記得冇得book，但老婆叫到就打，真係冇得book，我九龍塘趕去荃灣西攞位，去到9成滿，好彩有尾二張枱，等咗15分鐘媽媽👩🏻同陳皮妹到就叫嘢。主菜分AB兩組，各揀一，A組揀咗漢堡塔，因為散叫最貴，上菜時好震撼，好高，有三塊漢堡，仲有芝士🧀煙肉🥓椰菜🥬同蕃茄，漢堡唔錯👍🏻。B組主菜鐵板意粉🍝，可惜我唔食酸嘢，但陳皮妹話好食😋。嘢飲🧃叫咗抺茶latte同焙茶latte，等咗好耐，同埋侍應送咗去其他枱，應該係第一☝️個落單既侍應落錯枱號，抺茶latte個底仲有好多抺茶粉。最後叫上梳乎厘pancake,tiramisu同士多啤梨🍓味，等咗半個鐘先知又係送錯隔離枱仲要俾人食埋，偷聽到👂侍應話要再整過，又要等多半個鐘，但冇人同我地交代過，上咗菜拿拿林食完就走了，梳乎厘班㦸一般，tiramisu醬ok