影片
更多
2017-09-18
148 瀏覽
同朋友兩個人去開油麻地個頭買野，行到餓就緊係搵地方醫肚啦。行過CASA酒店門口聽到有人話樓上有間西式CAFE幾好食，咁岩我同朋友又好西餐，就膽粗粗跟左佢地入去睇下咩環境。一出𨋢見到餐廳既裝修唔錯，人流又唔少，咁食物質素應該有番咁上下。再望下MENU，以西式CAFE黎講算價錢中等，咁就決定食呢間啦。MENU意外地豐富，前菜、湯、沙律、主菜、野飲呢D不在話下，估唔到佢連意、美、法式既料理都有埋，好多都好吸引。拎起第二份MENU見到個二人套餐，就心諗跟餐試下D大路野好似穩陣D。經過一輪掙扎，我地最尾就叫左個二人餐體驗下，有得揀又抵食。打頭陣既有忌廉湯加蒜蓉包，個湯幾濃同幾香，啖啖有粟米蓉味，認真足料。蒜蓉包就相當標準，蒜味足牛油夠，唯一不足係唔夠脆，我同朋友都鍾意完全乾身個D黎。飲品：蘋果汁同凍檸茶。味道相當易入口，兩者都唔會太甜，飲得出絕對唔係平價貨既味道，果然唔係交HEA貨。之後上左盤酸忌廉薯條，配埋酸乳酪黎送，為味覺帶黎衝擊，但又異常地夾，推介！跟住接力既係安格斯西冷牛扒配紅酒燒汁，連板一齊上既有薯菜沙律，以及芥末醬。牛扒可以叫熟度，我地叫左五成。果然熟煎得岩岩好，外皮微焦香脆，肉質粉
一出𨋢見到餐廳既裝修唔錯，人流又唔少，咁食物質素應該有番咁上下。再望下MENU，以西式CAFE黎講算價錢中等，咁就決定食呢間啦。
MENU意外地豐富，前菜、湯、沙律、主菜、野飲呢D不在話下，估唔到佢連意、美、法式既料理都有埋，好多都好吸引。拎起第二份MENU見到個二人套餐，就心諗跟餐試下D大路野好似穩陣D。經過一輪掙扎，我地最尾就叫左個二人餐體驗下，有得揀又抵食。
打頭陣既有忌廉湯加蒜蓉包，個湯幾濃同幾香，啖啖有粟米蓉味，認真足料。蒜蓉包就相當標準，蒜味足牛油夠，唯一不足係唔夠脆，我同朋友都鍾意完全乾身個D黎。
飲品：蘋果汁同凍檸茶。味道相當易入口，兩者都唔會太甜，飲得出絕對唔係平價貨既味道，果然唔係交HEA貨。
之後上左盤酸忌廉薯條，配埋酸乳酪黎送，為味覺帶黎衝擊，但又異常地夾，推介！
跟住接力既係安格斯西冷牛扒配紅酒燒汁，連板一齊上既有薯菜沙律，以及芥末醬。牛扒可以叫熟度，我地叫左五成。果然熟煎得岩岩好，外皮微焦香脆，肉質粉紅延伸至邊緣。本身牛扒有適量調味，加少少汁個風味已經相當突出。薯仔烚到軟身，用叉一壓就分離，但又唔會碎開，配埋芥末食相當惹味。沙律都幾清新，不過D醋偏重口味，個酸度接唔接受到就因人而異啦(我都仲OK既)。
下一道菜係龍蝦汁意大利飯，賣相相當吸引，唔知味道又點呢？上菜個陣已經聞到龍蝦汁既香味，飯身黏度岩岩好，個汁味道有D濃但相當香口，飯粒咬落去唔會太淋，口感一流。大蝦直情吸收左成道菜既精華，配上熟度洽好既蝦肉，只有美味可以形容！
最後當然唔少得甜品，分別係朱古力慕斯蛋糕同Tiramisu。前者慕斯香滑，口感唔錯，有D偏甜但接受範圍內，整體上幾好味。Tiramisu就算出色，無論外型定味道都有酒店水準，冇十分都有九分！
總括黎講Plato Cafe & Bistro既食物相當唔錯，唔使講緊係有下次！我已經約左個FD下次試下特別D既菜式，希望呢度俾到驚喜我啦！
蒜蓉包+餐湯
15 瀏覽
0 讚好
0 留言
酸忌廉薯條
26 瀏覽
0 讚好
0 留言
美國安格斯西冷牛扒
17 瀏覽
0 讚好
0 留言
龍蝦汁大蝦意大利飯
30 瀏覽
0 讚好
0 留言
朱古力雪糕慕絲蛋糕
18 瀏覽
0 讚好
0 留言
提拉米蘇
22 瀏覽
0 讚好
0 留言
張貼
