紅花匯

營業中

休息中

身為紅花嶺區居民，一定要去紅花匯食返餐飯 (誤🙈呢度主打食川菜同潮州菜，招牌菜包括水煮牛、酸菜魚同滷水菜式✨樣樣都想試，就同朋友兩個人點左個二人商務餐，估唔到份量十足，性價比非常高😳🔸一口灌漿蘿蔔 / 椒汁南非鮑魚片🔸灌漿蘿蔔外表似平時飲茶嘅蜂巢芋角，食落外層酥脆，入面係蘿蔔蓉，外脆內軟！鮑魚片拌芹菜，涼拌鮑片好爽滑，椒麻汁稍為偏辣，係一道令人胃口大開嘅前菜👍🔸西湖牛肉羹 / 五指毛桃老火雞湯🔸作為芫茜愛好者，對於呢個牛肉羹好滿意😋牛肉滑嫩，最緊要係有芫茜味～正！是日老火湯係五指毛桃煲雞湯，濃郁嘅雞湯帶有五指毛桃獨特嘅椰香味，好味又健脾👍🔸金牌紅花酸菜魚 / 滷水鵝肉拼盤🔸必試呢度嘅招牌菜，酸菜魚份量十足，魚片新鮮爽滑，配料仲有大量芽菜、藕片、木耳同寬粉等😳湯頭酸辣度好平衡，而且一啲都唔肥膩，可以連湯都飲埋🤤滷水拼盤有齊鵝肉、墨魚片、五花腩、雞胗、滷蛋同豆腐～超豐富😳滷水夠入味，如果香料有更多層次就更好😋🔸方魚炒芥蘭 / 川式海皇燴飯🔸大大碟芥蘭同燴飯，方魚炒芥蘭用方魚帶起鹹鮮味，比清炒更好食😋海皇燴飯材料豐富，食落有別於普通燴飯，有少少辣味，不過有個芡汁中和返，唔食得辣嘅朋友都無問題