心粥館 (已搬遷) 新店位置

新開張，一定要試一試。一行三人就來食晚飯，三位都是細食之人，見佢有個二人餐就岩晒。其實二人餐都唔少野，有一大煲粥、一個飯和一個餸，仲有兩杯飲品，兩個人點食得晒呀?!我們要了皮蛋蠔豉廋肉粥、茄汁肉排竹筒飯和白灼鯪魚球。好大煲粥，算足料，粥底都可以，話晒佢地係叫賣粥既專門店，個粥一定有番ｄ保證。竹筒飯份量都好足，唔好睇少佢細細個竹筒，d飯"質"到實一實，其實都好多。酸酸地亦幾開胃，不過肉排唔得鬆化。白灼鯪魚球有八粒，不過有骨我就唔太鐘意。$88二人餐可以食飽三個人，收貨啦！