影片
更多
2016-07-11
2647 瀏覽
今次嚟到薈亞搵食！天氣熱辣辣總會想食壽司之類嘅日本菜～但食咗幾個禮拜～今個禮拜就食重口味嘅東南亞菜啦～薈亞有二人餐同四人餐同散叫menu～我哋三個人就叫咗二人餐+串燒。椰子煲雞湯椰子味不會太濃～但清清哋幾好飲～勉強分到3碗～薈亞三小拼（芋絲網皮春卷、泰式酸辣鳳爪、越式牛油雞翼）春卷偏油～但芋絲香脆～只得2條唔夠喉呢！雞翼看似有4隻～但其實開咗邊所以只有2隻～好香口～不會太油亦不會太乾！鳳爪有點辣～不過真係好醒胃～冇骨嘅關係方便進食！串燒 （$78/半打）可以喺豬、牛、雞、羊度揀～我哋㨂咗豬、牛、雞各2串～雞肉嫩滑～但欠缺雞味～牛肉有少許過火～已經變韌～豬最好味～火喉剛剛好～醃料都入味！重點係個沙爹醬勁好味！濃得來唔會太鹹～而且好香同個串燒好啱味！馬拉盞炒高麗菜相信大家睇圖都睇唔出佢係馬拉盞…而實際上我都唔覺得佢係馬拉盞！加上佢超級油～我平時成日掃成碟菜都唔想伸手去夾！亞來咖哩三文魚頭好醜嘅一碟餸～一開始我哋仲懷疑係咪真係三文魚…不過佢都算有內在美～三文魚冇炸過火～而且咖哩汁濃郁～淋在白飯上食真係頂呱呱！龍眼冰好難飲！真係好難飲！平時去泰國餐廳都會叫龍眼冰但呢個程度嘅真係未飲過！龍眼好似
天氣熱辣辣總會想食壽司之類嘅日本菜～但食咗幾個禮拜～今個禮拜就食重口味嘅東南亞菜啦～
薈亞有二人餐同四人餐同散叫menu～
我哋三個人就叫咗二人餐+串燒。
椰子煲雞湯椰子味不會太濃～但清清哋幾好飲～
勉強分到3碗～
薈亞三小拼（芋絲網皮春卷、泰式酸辣鳳爪、越式牛油雞翼）春卷偏油～但芋絲香脆～只得2條唔夠喉呢！
雞翼看似有4隻～但其實開咗邊所以只有2隻～好香口～不會太油亦不會太乾！
鳳爪有點辣～不過真係好醒胃～冇骨嘅關係方便進食！
串燒 （$78/半打）可以喺豬、牛、雞、羊度揀～我哋㨂咗豬、牛、雞各2串～
雞肉嫩滑～但欠缺雞味～
牛肉有少許過火～已經變韌～
豬最好味～火喉剛剛好～醃料都入味！
重點係個沙爹醬勁好味！濃得來唔會太鹹～而且好香同個串燒好啱味！
馬拉盞炒高麗菜相信大家睇圖都睇唔出佢係馬拉盞…而實際上我都唔覺得佢係馬拉盞！
加上佢超級油～我平時成日掃成碟菜都唔想伸手去夾！
亞來咖哩三文魚頭好醜嘅一碟餸～一開始我哋仲懷疑係咪真係三文魚…
不過佢都算有內在美～三文魚冇炸過火～
而且咖哩汁濃郁～淋在白飯上食真係頂呱呱！
龍眼冰好難飲！真係好難飲！平時去泰國餐廳都會叫龍眼冰但呢個程度嘅真係未飲過！
龍眼好似浸咗好耐霉哂咁～而且杯嘢唔知點解有燶味…炭燒龍眼嗎？
完全唔得嘅飲料！
椰汁三色冰 （＄15）餐飲只有2杯～而星期日椰汁冰又特價～所以叫了一杯～
慶幸有呢杯好飲嘅～唔使飲難飲龍眼冰～
呢杯椰汁味濃～但唔會太甜～
不過嗰三色嘅啫喱同豆完全吸唔到出來…
之前食過有啲餸好味啲㗎～如果下次再食我會剔除上面唔好嘅～！另外citibank卡有88折啊！
張貼
