別府駅前料理 (已結業)

今日三人去銅鑼灣經過試食。叫左二人餐，部分飲品買一送一，所以另叫左款飲品，再加薄餅，本想叫四人餐，但未免太多。前菜豆腐胡麻沙律，賣相不錯，但味道比較清淡，嫌醬不夠多及濃，反而洋蔥帶出整個沙律味道，喜歡清清淡淡的人適合食。三文魚粟米千島薄餅值得一讚，薄餅餅薄而脆，醬多芝士夠，賣相不錯。五加刺，即五種刺身，比較腥，有點不鮮，特別係北寄貝及鮮蝦。炸蠔好多汁，裡里有二小粒蠔。野菜鍋普普通通，麵條頗有彈性但分量太少。松葉蟹膏海鮮炒飯，好油，食不出半點蟹膏，但材料同飯一樣比例，分量夠，一拎出黎時香噴噴，多食會好漏。飲品方面，柚子梳打不過不失;青蘋果乳酸係藥水調出黎既，好膠。整體都可以，但個沙律同杯青蘋果乳酸飲品就唔係我杯茶。