Plato Cafe & Bistro (吳松街)

今次同朋友去左試一間高質cafe，點左佢哋嘅$498精選二人套餐，真係有啲驚喜，值得一讚。首先係「天婦羅尤魚鬚」，呢個真係開胃嘅好選擇，尤魚鬚嘅新鮮度十足，炸得外脆內嫩，唔會因為油炸而變得油膩，每條尤魚鬚都炸到金黃酥脆。🦑跟住係主菜之一嘅「波士頓龍蝦龍蝦汁意大利飯」。呢道菜嘅賣相已經好吸引，大大隻龍蝦開咗邊放喺上面，龍蝦肉質鮮甜彈牙，非常鮮嫩，唔會煮過火，而底下嘅意大利飯亦都非常入味，龍蝦汁滲入每一粒米中，口感濃郁但又唔會過重，每一啖都充滿海洋嘅味道，令人一試難忘。🦞主菜嘅第二道係「M8澳洲肉眼牛扒」，我哋揀咗五成熟，呢個熟度真係啱啱好。牛扒外面煎得好香，內裡仲保留住牛肉嘅嫩滑同多汁，M8級別嘅牛肉質素一流，入口即溶，非常嫩口，肉味濃郁又帶有少少牛油香。牛扒嘅熟成度掌握得好好，仲有少少血水滲出嚟，正好帶出牛肉嘅鮮甜味。🥩最後，甜品分別係雪糕同埋芝士蛋糕。芝士蛋糕入口好軟，好濃厚嘅芝士味，另外雪糕係Movenpick。