1523 釗級廚房 (已結業)

二人餐$318仲要免加一，咁抵就試下佢啦，即刻拍板叫呢個餐。先來餐湯係蘑菇湯，粒粒菇茸又幾好味喎，好香呀。蒜蓉包即刻烘出黎，又熱又香，三邊面都搽左牛油同蒜蓉㗎。炸魚薯條有兩大塊炸魚同一大堆薯條，塊魚好嫩滑，薯條又脆，無油油的。海鮮pizza正方形，上面好多餡㗎，魷魚，青口，帶子，蝦，仲有超多芝士，可以做到拉絲效果，芝士控啱哂。最後係牛肩胛扒，都好大塊喎，仲有一大堆薯蓉，唔使怕唔夠飽啦。五成熟剛剛好，有牛味有肉汁。餐飲要了凍檸茶，凍飲不加錢！