丼吉日式吉列豬排專門店 (世貿中心)

營業中

休息中

話說去左銅鑼灣行街，心思思想食炸物，行過見到附近有一間日本餐廳，見餐牌食物幾吸引，就揀左呢間餐廳食晚餐，我地最後揀左二人前定食(吉列豬扒、豬柳、大蝦)，相當豐富。-吉列豬扒、豬柳、大蝦二人前定食呢個二人前定食十分豐富，豬扒一大塊，豬柳就比較細塊，但都有2塊，而大蝦方面體積好大隻，應該有手掌咁長，數量就有2隻，配菜就放左炸物下面，唔夠食的話可以免費添加，至於飯都可以免費添加，另外仲有2碗麵豉湯，仲有飯後甜品，甜品係西瓜🍉。-整體來講，呢個二人餐相當滿足，食到好飽，豬扒脆，肉質嫩，如果豬扒同豬柳比較，我比較中意食豬扒，因為感覺上豬扒比較嫩，豬柳就比較無咁嫩滑，大蝦方面，啖啖蝦肉，唔會炸得過老，所以食物方面比較高質量。