蝦麵店 (荃新天地) (已結業)

辣味蝦湯底海鮮摻摻，湯底味道辣中帶鮮，辣度3.5分，海鮮包括有大蝦、魷魚、青口、腐角、蟹柳，食落好新鮮，鮮味十足，摻摻採用油麵、米粉製作，食落好掛湯。豬骨雞湯底雞絲雞蛋米粉，豬骨雞湯底味道鮮甜，手撕嫩雞絲食落啖啖肉，雞蛋蛋香味濃，米粉口感爽滑，配以炸蒜、香蔥食用，味道更佳。五香滷肉配一口脆豆腐，五香滷肉採用豬肉、香芋、荸薺、洋蔥、五香製作，配以青檸汁、酸梅醬、特製滷汁食用，味道更加突出，脆豆腐口感外脆內嫩，配以泰式辣醬食用，食落好惹味。馬來香炸雞翼，口感酥脆，肉質飽滿多汁，香葉令整體味道好獨特。馬來沙嗲雞脾肉串，肉質滑嫩，食落好入味，充滿沙嗲味道。腐乳通菜，份量多，通菜口感爽嫩，配以腐乳食用，味道咸香。榴槤咖央多士，榴槤、咖央味道濃香，多士口感外脆內軟，食落好香口。桔子香茅凍，採用桔子汁、香茅汁製作果凍，口感滑溜，味道清甜帶酸，配以奇亞籽、冰菠蘿食用，食落好清爽。摩摩喳喳，採用香蘭葉、椰奶製作，配料包括有芋頭、西米、香蕉、地瓜、乾果，芋頭味道濃郁，口感好豐富，味道香甜。凍檸檬菜蜜，味道清香、酸甜。凍美祿，味道正宗，甜度適中。