影片
更多
2024-11-02
85 瀏覽
上次响道食完碗豬骨湯拉麵，急不及待帶家人來試試，咁我當然把握機會試試佢另一款拉麵啦，就佢啦！《長浜魚🐟拉面(熱湯)🍜》睇睇個Menu，赫然發現佢有一款响香港比較少見嘅味型：煮干（にぼし Niboshi）雖然從張相都得知，佢絕對唔會係個湯又稠又甘苦嗰種“水泥系”煮干拉麵，不過好奇心驅使下，還是一探究竟，以下係食評。香味 (4/5) - 香味相當充足，但香而不濁，係屬於清香型而唔係濃香型。湯 (4/5) - 魚味相當夠，鹹度同甜度剛好，食到明顯嘅旨味（うまみ umami），風味屬於淡麗風。色澤係紅茶色，通透，油度剛好。我認為相當好味。不過咁，因為個湯唔係傳統上煮干湯嘅灰色或深灰色，我理解為，佢係用去頭去尾去內臟嘅魚干肉去淆湯，所以我認為如果佢叫做魚介湯會比較貼切，如果佢用鯖魚或鰹魚薄片嘅話，叫鯖節或鰹節都較適合。麵條 (4/5) - 選麵同佢嘅豬骨湯拉麵嘅應該係一樣，細直麵，低至中加水，吸湯夠。而我點嘅係硬麵，口感夠扎實，清爽，絕對冇話黏黏糊糊嗰隻。我食得出廚師嘅基本功相當深厚。配料 (3.5/5) - 配料整體就中規中矩啦。先講豬叉燒方面，應該都係用豬里脊，有兩塊，較瘦但夠腍夠嫩，肉味甘
《長浜魚🐟拉面(熱湯)🍜》
長浜魚🐟拉面(熱湯)🍜
$108
0 瀏覽
0 讚好
0 留言
睇睇個Menu，赫然發現佢有一款响香港比較少見嘅味型：煮干（にぼし Niboshi）
雖然從張相都得知，佢絕對唔會係個湯又稠又甘苦嗰種“水泥系”煮干拉麵，不過好奇心驅使下，還是一探究竟，以下係食評。
香味 (4/5) - 香味相當充足，但香而不濁，係屬於清香型而唔係濃香型。
湯 (4/5) - 魚味相當夠，鹹度同甜度剛好，食到明顯嘅旨味（うまみ umami），風味屬於淡麗風。色澤係紅茶色，通透，油度剛好。我認為相當好味。不過咁，因為個湯唔係傳統上煮干湯嘅灰色或深灰色，我理解為，佢係用去頭去尾去內臟嘅魚干肉去淆湯，所以我認為如果佢叫做魚介湯會比較貼切，如果佢用鯖魚或鰹魚薄片嘅話，叫鯖節或鰹節都較適合。
麵條 (4/5) - 選麵同佢嘅豬骨湯拉麵嘅應該係一樣，細直麵，低至中加水，吸湯夠。而我點嘅係硬麵，口感夠扎實，清爽，絕對冇話黏黏糊糊嗰隻。我食得出廚師嘅基本功相當深厚。
配料 (3.5/5) - 配料整體就中規中矩啦。先講豬叉燒方面，應該都係用豬里脊，有兩塊，較瘦但夠腍夠嫩，肉味甘香，好食。
溏心蛋方面，正正常常啦，冇特別入味，清清地，配魚湯係唔錯嘅。
整體 - 值得推薦 👍👍👍👍
題外話/補充資料：
順帶一提，我家人相當滿意個豬骨湯拉面，我地一致認為佢比一蘭更優勝，更滿足！日後要多多支持呢間店！
(以上食評乃用戶個人意見 , 並不代表OpenRice之觀點。)
張貼
