影片
更多
2021-08-13
2326 瀏覽
每次響社交平台睇到壽司郎既宣傳都會令人期待，因為壽司郎每月都會推出特別餐單，而同時又會積極研究將受歡迎既特別菜式轉換成常規餐單去滿足大家既訴求，呢點係小編好欣賞既地方。今次二刷再次黎到藍田既壽司郎，響平日星期五既情況下，人數還比之前光顧個次為多! 10:45到達取票後，雖然只係40個號碼既籌但等候時間就需要1小時喇! 不過都理解既，因為壽司郎10:30開門，而每位顧客既用餐時間為1小時，所以小編點都要等候第1批客人用餐完畢先有位坐。入返正題，今次既二刷最主要係為左壽司郎2周年而推出既特別壽司，當中包括小編最鍾意既海鰻 (仲要寫到係梳乎里海鰻，唔通係甜既!? 響度留返個關子先)。下文都解說下小編享用既壽司同感覺，希望食評出左後大家都可以有機會試到啦!1) 日本產烤牛肉海膽 ($27)：大家都可能會問，海膽同牛肉既味道可以夾到咩? 小編食完既感覺係... 都算夾到既，不過食出黎總係會覺得分開食會更加有價值，而烤牛肉因為製成壽司關係，所以唔會整得太熟，但小編個舊食到有筋腱就令觀感上大打折扣喇。2) 特盛甜蝦 ($12)：睇到張相個陣都諗，平時甜蝦都係2件加埋大約4條左右，究竟特盛有幾多呢?
今次二刷再次黎到藍田既壽司郎，響平日星期五既情況下，人數還比之前光顧個次為多! 10:45到達取票後，雖然只係40個號碼既籌但等候時間就需要1小時喇! 不過都理解既，因為壽司郎10:30開門，而每位顧客既用餐時間為1小時，所以小編點都要等候第1批客人用餐完畢先有位坐。
入返正題，今次既二刷最主要係為左壽司郎2周年而推出既特別壽司，當中包括小編最鍾意既海鰻 (仲要寫到係梳乎里海鰻，唔通係甜既!? 響度留返個關子先)。下文都解說下小編享用既壽司同感覺，希望食評出左後大家都可以有機會試到啦!
1) 日本產烤牛肉海膽 ($27)：大家都可能會問，海膽同牛肉既味道可以夾到咩? 小編食完既感覺係... 都算夾到既，不過食出黎總係會覺得分開食會更加有價值，而烤牛肉因為製成壽司關係，所以唔會整得太熟，但小編個舊食到有筋腱就令觀感上大打折扣喇。
2) 特盛甜蝦 ($12)：睇到張相個陣都諗，平時甜蝦都係2件加埋大約4條左右，究竟特盛有幾多呢? 答案就係有7條喇! 仲要係分兩層咁樣放，做出黎既效果的確都幾震撼既。味道就當然係鮮甜而實淨啦，所以係好抵食既!
3) 中吞拿魚魚腩配醬漬海膽 ($17)：經店長推薦而試既菜式。小編要溫馨提示大家記得一齊食，因為海膽係醃製過情況下，味道會比較重，所以配合魚腩食個陣，會容易將吞拿魚既腥味降低，但同時亦會令原本魚腩既鮮味降低，所以好令小編費解既矛盾。但$17既價值食到中吞拿魚魚腩，其實係非常抵食既!
4) 梳乎里海鰻 ($12)：咁究竟海鰻係咪甜呢？其實梳乎里既意思係海鰻最肥美既部分去製作，響稍為浸左鰻魚汁既情況下，食落口個陣會深深感受到佢既淋同滑既感覺；而鰻魚汁又唔會對海鰻有喧賓奪主既情況，$12既價錢又係非常抵食!
由於小編肚餓既關係，另外都享用左三文魚﹑海螺雙味﹑以及之前小編都非常推薦既海膽烏冬! 三文魚繼續都係厚切版所以非常有嚼口﹑海螺雙味特別推薦有檸檬個邊既海螺會特別清新既﹑海膽烏冬仍然保留有2片海膽，再配合海膽汁情況下等你撈完後都食到陣陣既海膽香。
最後小編都忍唔住品嚐白桃芭菲 ($32)，響現時白桃收割季節期間，壽司郎既白桃無令小編失望。芭菲旁有3件白桃既切粒，非常清甜，再配合白桃汁﹑大量雲尼拿雪糕，以及底部既蛋糕層，完全令小編滿足哂!
壽司郎既質素，果然唔會令小編失望!
所以每朝由應用程式見到部分分店有超過300張枱輪候係絕對理解既!
張貼
