弘 CHIRASHI (已結業)

由times 行去灣仔嘅時候都會經過一間叫"弘"嘅日本料理。不過次次都趕頭趕命所以就冇到去....直到今日終於可以入去試吓佢有幾爆。裝修都幾好！我就叫咗一個"海鮮二段嘅飯"個飯嘅外型砌得係幾靚嘅！好似好大碗咁！但係明明話有海膽點解我唔見有㗎呢？！迷底終於解開原來喺下層！個樣就唔錯喇,試下塊油甘魚刺身(近腩位)魚身食落都爽口都好新鮮～三文魚直頭用埋腩位非常肥美.最緊要係嗰舊吞拿魚食落去啲魚香味好快就攻陷咗我成個口腔又冇渣 good 呀但係隻蝦就麻麻地啦....好似俾水浸到無晒味咁終於都食完上層啦！下面嗰層就有三文魚子加海膽同埋蟹肉碎呢三樣嘢撈埋個飯一齊食都唔錯！呢個二段飯食完就啱啱好唔會太飽亦唔會太過空虛。