華苑酒家 (已結業)

今日去元朗接細佬收工、食飯，見呢間酒家嘅打邊爐任食咁平，仲要係2小時任食，抱住一試無妨嘅心態，直奔2樓邊爐區。原來任食價錢已經包埋湯底，我地叫咗椰子雞湯底，滾起嚟都好香。雞同湯係分開上，湯滾起先至落雞。8位以上有1隻雞，8位以下有半隻，所以對我地兩個人嚟講，半隻雞都幾多。飲品同部份火鍋配料係自助式，而點菜紙上嘅火鍋配料唔算多款，但我地都食唔晒佢嘅款式。最好味嘅係手打鮮蝦丸、手打墨魚丸，彈牙又鮮味。其次係手工菜肉雲吞，店員說是自家製作，所以食晒就冇，咁雲吞嘅菜又真係食得出嘅新鮮。粟米、南瓜都好甜，芋頭都好粉。自助區仲有出前一丁同埋烏冬，都係原包裝嘅，方便自取。兩個人埋單都係二百幾蚊，食到好飽呢。