二鍋頭 (好運中心)

營業中

休息中

今日去咗二窩頭雞煲火鍋lunch,喺沙田火車站出嚟行幾分鐘就到。佢哋嘅火鍋放題加$88，仲可以食埋羊腩煲，真係好抵！羊腩煲炆得又淋又入味，肉質鮮嫩，食落去口感一流。入面仲有枝竹、冬菇、竹蔗同馬蹄，唔單止提升咗羊腩嘅味道，仲令整個煲更加豐富。啖啖都有驚喜！食完羊腩煲之後，我哋又試咗鴛鴦火鍋。湯底方面，左邊係濃郁嘅豬骨湯，右邊係沙茶醬味，兩者各有千秋。豬骨湯嘅鮮味真係好足，沙茶醬就帶有獨特嘅香氣，食落去令人一試成主顧。配料方面就更加豐富，牛板腱、活海蜆、脆鯇魚腩、鮮蝦雲吞、活海蝦、雞、豬頸肉等，真係令人目不暇接！每樣都新鮮，特別係活海蜆，鮮味十足，搭配湯底簡直係絕配。