C DESSERT

營業中

休息中

今日同朋友灣仔行完街食完飯， 朋友話想食甜品,我第一時間就諗起聰。C Dessert 呢間甜品店，呢間甜品超人氣好多食客都會慕名而嚟 ， 長期爆滿 。聰。C Dessert 款式選擇多,最後我哋揀咗芒果麗莎, 芒果仙草黑糖珍珠, 芒果奶昔雙皮奶, 布雷醬焦糖脆脆雪糕牛角窩夫。芒果麗莎： 新鮮芒果肉， 水晶珠，小丸子， 椰奶，椰果， 層次豐富口感滿足。芒果奶昔雙皮奶： 雙皮奶超滑溜 甜而不膩芒果仙草黑糖珍珠：珍珠爽口q彈，仙草口感滑溜，加上香甜嘅芒果，超正。布雷醬焦糖脆脆雪糕牛角窩夫： 即叫即整暖暖的， 外皮微脆 內裏煙韌，特製醬料再加焦糖脆脆， 多重享受。