天浮橋拉麵 (已結業)

天浮橋拉麵📍 元朗西菁街20號益輝大廈地下12號舖今次二訪天浮橋，我帶住媽咪嚟食午餐。雖然佢對食無咩要求，但我知佢都幾鍾意食拉麵，不過又唔特登去其他區食，所以就決定帶佢去元朗區我食過數一數二嘅拉麵。 💰$83鹽雞白湯拉麵 🐓🍜今次再訪，我一定要試下呢度嘅人氣鹽雞白湯拉麵！拉麵麵質煙煙韌韌，同樣掛湯。自家製雞白湯非常濃稠，但保持到好幼滑，食落好清新。溏心蛋同錦爽雞腿肉同樣美味，蛋黃好香滑；雞腿肉嘅黑椒味同配菜嘅洋蔥好夾，兩者一齊食可以帶出雞肉嘅香味，難怪會有咁多人鍾意食啦！ 💰$90海老味噌拉麵 🦐🍜同第一次食一樣，海老味噌非常濃味啲，我叫咗俾媽咪試下。媽咪話加咗櫻花蝦除咗靚之外，口感同味道都有昇華。佢形容呢度嘅拉麵好似油麵，我估應該係因為麵質比較彈牙，而且麵條好粗身，所以特別掛湯。每碗拉麵都有指定嘅配菜，媽咪大讚雞肉同蛋，前者嫩滑，後者入味！