影片
更多
2023-06-02
2358 瀏覽
家上海 Modern Shanghai 📍元朗元龍街9號形點 I L1樓1058號舖佛誕假期我陪屋企人去YOHO逛下，行到中午時分就去咗排隊食呢間食過一次嘅上海菜。等咗大約半個鐘左右，終於安排咗我哋坐喺窗邊嘅位置，當日好大太陽，藍天白雲，景觀都唔錯，好愜意。上一次食係下午茶時段，今次撞正紅日無套餐優惠，我哋喺主餐牌揀咗啲嘢食。因為係連鎖店，所食物質素一定有保證，但呢度嘅茶葉唔太得，鐵觀音味淡，無茶香。 💰$80蘇式燻魚 🐟同我食過嘅上海燻魚唔同，無論魚肉嘅質感定味道都好唔同。呢種蘇式燻魚外面裹咗一層酸酸甜甜嘅醬汁，非常醒胃。魚肉無骨而且炸得酥脆，可以好放心咁大啖食。魚肉滑嫩無腥味，同外層嘅口感形成強烈對比。因為味道好易入口，相信小朋友或唔鍾意食魚嘅人都會較易接受。 💰$54金牌小籠包 🥟小籠包唔算爆多汁，但肉汁香濃，皮亦唔會過粉過厚，味道不過不失，無留下特別嘅印象。 💰$68大排湯麵 🍜呢款大排湯麵我之前已經食過一次，算係比較抵食嘅麵食之一。大排同上次食一樣咁厚身脆口，外皮炸得金金黃黃，睇到都食指大動。湯麵嘅麵質細滑，湯底滿滿菜香味，清清哋同較油嘅大排一齊食啱啱好！ 💰$88肉絲兩面黃
📍元朗元龍街9號形點 I L1樓1058號舖
佛誕假期我陪屋企人去YOHO逛下，行到中午時分就去咗排隊食呢間食過一次嘅上海菜。等咗大約半個鐘左右，終於安排咗我哋坐喺窗邊嘅位置，當日好大太陽，藍天白雲，景觀都唔錯，好愜意。上一次食係下午茶時段，今次撞正紅日無套餐優惠，我哋喺主餐牌揀咗啲嘢食。因為係連鎖店，所食物質素一定有保證，但呢度嘅茶葉唔太得，鐵觀音味淡，無茶香。
[價錢 Price]
💰$80
蘇式燻魚 🐟
同我食過嘅上海燻魚唔同，無論魚肉嘅質感定味道都好唔同。呢種蘇式燻魚外面裹咗一層酸酸甜甜嘅醬汁，非常醒胃。魚肉無骨而且炸得酥脆，可以好放心咁大啖食。魚肉滑嫩無腥味，同外層嘅口感形成強烈對比。因為味道好易入口，相信小朋友或唔鍾意食魚嘅人都會較易接受。
[價錢 Price]
💰$54
金牌小籠包 🥟
小籠包唔算爆多汁，但肉汁香濃，皮亦唔會過粉過厚，味道不過不失，無留下特別嘅印象。
[價錢 Price]
💰$68
大排湯麵 🍜
呢款大排湯麵我之前已經食過一次，算係比較抵食嘅麵食之一。大排同上次食一樣咁厚身脆口，外皮炸得金金黃黃，睇到都食指大動。湯麵嘅麵質細滑，湯底滿滿菜香味，清清哋同較油嘅大排一齊食啱啱好！
[價錢 Price]
💰$88
肉絲兩面黃 🍝
老爸指名要叫呢碟肉絲兩面黃，佢話等位時見到炒得好靚喎。賣相同一般嘅肉絲炒麵無咩分別，同我心目中嘅兩面黃有少少出入。不過，佢嘅味道的確唔錯，整體唔會過鹹，肉絲芽菜等配料亦好足，夠送晒啲麵有突。我自己幾鍾意食肉絲麵嘅麵，因為可以一次過滿足到我呢啲貪心嘅人，鍾意食濕嘅麵又得，鍾意食乾嘅麵亦得，得咗！
[價錢 Price]
💰$198
蟹粉炒蝦仁 🦀🦐
再嚟嘅呢個係老爸擅自叫嘅蟹粉炒蝦仁，以午市小菜嚟講單價比較貴，但相對質素都較高。剝晒殼嘅蝦仁每粒都沾上濃香嘅蟹粉，除咗食到蝦仁嘅鮮味同爽口，亦食到蟹粉嘅甘香。不過我略厭佢嘅蟹油太多，如果乾身啲就會更加分。
張貼
