串燒王 (建基大廈)

營業中

休息中

估唔到係北角都食到上次旺角嘅串燒王，今次一於要試埋上次冇食過嘅串燒美食！門外有寫住「今夜不回家」嘅霓虹燈，決定要試下呢間北角分店有幾滋味 🌟即開蒜蓉大生蠔 $188/6隻🌟每隻生蠔都幾大隻，真係有成隻手掌咁大。生蠔唔係剩係得個蠔殼大，入面嘅蠔肉都幾大粒，唔會燒得太耐而導致縮水。每隻都充滿住蒜蓉，食落好惹味 🌟汁燒火箭魷魚筒 $72🌟一樣都係原條上，份量都大。上菜嘅時候已經聞到勁香魷魚味，燒得岩岩好，唔會過熟。調味有小小辣，更加惹味，魷魚亦幾有嚼勁 🌟燒原條秋刀魚 $65/2條🌟燒得魚皮香脆，魚肉肉質都保持到鮮味，唔會一夾就散開，加埋香蒜食都幾香口，味粉亦好足夠