影片
更多
2022-07-12
17 瀏覽
好耐之前已經試過佢哋嘅吉列牛覺得唔錯，呢晚同屋企人行過再嚟試多次，啲水準果然都係咁好(˶‾᷄ ⁻̫ ‾᷅˵)🍽食物✨吉列炸牛扒 $188 8/10牛扒上到嚟只係得一兩成熟，要係個爐頭到加熱到自己中意嘅生熟度。外面嘅炸皮好薄，唔會好油膩，燒到佢外層開始變色就差唔多食得啦(⁎⁍̴̛ᴗ⁍̴̛⁎) 食落外脆內軟，同埋充滿油脂香氣，個人覺得蘸少少鹽就好好味～果然係呢度嘅名物！👍🏻牛舌拼薄切牛 $188 7.5/10呢款係全生嘅，都係燒到自己中意嘅生熟度就食得！薄切牛嘅牛味冇咁濃，不過肉質好軟淋，一啲都唔韌，至於牛舌就比較爽口，燒一陣已經食得，不過夾埋得6塊有啲唔夠喉🤣✨頂級板腱牛扒 $215 8/10店員話呢款係每日限定，落單嘅時候會問左要幾成熟先，店員推薦五成熟，不過我哋比較中意七成熟🫢 一嚟到就見到外面係煎到金黃色，而入面仲係好粉嫩，真係夠晒吸引🤤食落去牛味好香濃，係三款之中最重牛味嘅一款～ 即使油脂感唔係咁豐富都仲覺得好香，不過就咁食略嫌有啲韌，如果係個爐到加熱多一陣，肉質結實返啲，再蘸少少鹽食就perfect～每個set都會跟沙律同飯，個飯仲鋪滿左飯素，好好送飯，不過今次啲飯素就好似重手左🤣食落有啲啲
🍽食物
✨吉列炸牛扒 $188 8/10
牛扒上到嚟只係得一兩成熟，要係個爐頭到加熱到自己中意嘅生熟度。外面嘅炸皮好薄，唔會好油膩，燒到佢外層開始變色就差唔多食得啦(⁎⁍̴̛ᴗ⁍̴̛⁎) 食落外脆內軟，同埋充滿油脂香氣，個人覺得蘸少少鹽就好好味～果然係呢度嘅名物！
👍🏻牛舌拼薄切牛 $188 7.5/10
呢款係全生嘅，都係燒到自己中意嘅生熟度就食得！薄切牛嘅牛味冇咁濃，不過肉質好軟淋，一啲都唔韌，至於牛舌就比較爽口，燒一陣已經食得，不過夾埋得6塊有啲唔夠喉🤣
✨頂級板腱牛扒 $215 8/10
店員話呢款係每日限定，落單嘅時候會問左要幾成熟先，店員推薦五成熟，不過我哋比較中意七成熟🫢 一嚟到就見到外面係煎到金黃色，而入面仲係好粉嫩，真係夠晒吸引🤤食落去牛味好香濃，係三款之中最重牛味嘅一款～ 即使油脂感唔係咁豐富都仲覺得好香，不過就咁食略嫌有啲韌，如果係個爐到加熱多一陣，肉質結實返啲，再蘸少少鹽食就perfect～
每個set都會跟沙律同飯，個飯仲鋪滿左飯素，好好送飯，不過今次啲飯素就好似重手左🤣食落有啲啲鹹，仲有日式醃菜，可以幫口腔清新一下～
⛩環境
👍🏻 鋪面唔算好大，不過枱同枱之間都唔會好近夠闊落，同埋就算係燒肉都唔會食完成陣味好油膩嘅感覺
💁🏼♀️服務
👍🏻店員服務態度好殷勤，好熱情咁介紹menu同埋有咩推薦嘅菜色，同埋其他店員都好有禮貌
📝總評 8/10
今次係第二次到訪仍然維持到水準，有得自己燒又可以食到高質牛肉，睇得又玩得，又唔會有食燒肉個種油膩感🤣不過份量係比較適合一個女仔，如果大胃王嚟到可能要嗌多個set先夠食🤭
👛人均消費 ~$217(連加一服務費)
⏱冇限時
張貼
