影片
更多
2022-01-27
186 瀏覽
上年十月嚟過婆婆珈琲屋之後一直都好想再嚟，今次就嚟食lunch🍱 原來佢哋換咗新menu，多咗幾款新菜式🤤Lunch嘅選擇分為三/四/五品料理，可以按照自己喜好揀小菜配飯團或烏冬。因為我同朋友都想試多幾款食物所以就揀咗五品料理 ($128)，可以試到兩款冷菜同三款熱菜。一場嚟到當然要試下新菜式好似有蟹肉汁煮大根🦀、黑松露野菜鮮蝦福袋🦐、油揚拌菠菜🥬。另外我哋仲揀咗蒟蒻豚肉燒、清酒糖心蛋、照燒雞扒、沖繩烤番薯條、北海道芝士薯餅同蘋果薯仔沙律，配打卡必叫嘅富士山三文魚飯團同鰹魚昆布湯烏冬。佢哋喺擺盤上真係用咗好多心思😍 個人特別推介蒟蒻豚肉燒，豚肉好入味再加上彈牙蒟蒻，口感豐富🤤 油揚拌菠菜都好味，我同朋友係咁爭住食🤣 芝士薯餅外脆內軟仲包住拉絲芝士， 超邪惡🧀飲品試咗富士山特飲 (跟餐升級價$58，原價$78)同玫瑰草莓乳酸梳打(跟餐升級價$23，原價$46)加雪糕🍓 兩款飲品賣相吸睛得嚟味道都唔錯，甜度恰到好處🍼身為甜品控嘅我喺食飯前已經想試沖繩海鹽 •富士山 ($98) 同昭和紅日富士牛乳布丁($68)，所以食完主食就算好飽都要照叫，好似話食甜品係用第二個胃㗎嘛🤪 🍮布丁滑得嚟奶味都
Lunch嘅選擇分為三/四/五品料理，可以按照自己喜好揀小菜配飯團或烏冬。因為我同朋友都想試多幾款食物所以就揀咗五品料理 ($128)，可以試到兩款冷菜同三款熱菜。
一場嚟到當然要試下新菜式好似有蟹肉汁煮大根🦀、黑松露野菜鮮蝦福袋🦐、油揚拌菠菜🥬。另外我哋仲揀咗蒟蒻豚肉燒、清酒糖心蛋、照燒雞扒、沖繩烤番薯條、北海道芝士薯餅同蘋果薯仔沙律，配打卡必叫嘅富士山三文魚飯團同鰹魚昆布湯烏冬。
佢哋喺擺盤上真係用咗好多心思😍 個人特別推介蒟蒻豚肉燒，豚肉好入味再加上彈牙蒟蒻，口感豐富🤤 油揚拌菠菜都好味，我同朋友係咁爭住食🤣 芝士薯餅外脆內軟仲包住拉絲芝士， 超邪惡🧀
飲品試咗富士山特飲 (跟餐升級價$58，原價$78)同玫瑰草莓乳酸梳打(跟餐升級價$23，原價$46)加雪糕🍓 兩款飲品賣相吸睛得嚟味道都唔錯，甜度恰到好處🍼
身為甜品控嘅我喺食飯前已經想試沖繩海鹽 •富士山 ($98) 同昭和紅日富士牛乳布丁($68)，所以食完主食就算好飽都要照叫，好似話食甜品係用第二個胃㗎嘛🤪 🍮布丁滑得嚟奶味都幾濃郁🗻戚風蛋糕上面係海鹽味奶蓋，配上海鹽味雪糕，鹹鹹甜甜又幾夾！但我個人都係鍾意上次食嘅香港奶茶 •獅子山，實在太出色🙈
張貼
