富興潮州粉麵

營業中

休息中

仲放緊新年假期，今日二訪富興，泊車好方便，好多咪標。一人一碗麵，崩沙腩拼牛丸河粉$78 ，個湯底非常一流，真材實料，崩沙腩部位好靚，半肥瘦的紋理。牛丸係一口爆汁，又彈牙又多汁。與別不同的是加入左炸蒜頭，好惹味。朋友就食炸醬麵$33，係童年回憶。呢間炸醬麵蕃茄味比較重唔會太辣，好食。女士就覺得夠飽，男士就可能需要加底。咁啱喺我哋隔離枱，個姨姨包裝緊新鮮送到的炸魚皮，嚟遠都聞到好香。吸引到幾乎每台都點咗一碟， $15 跟餐價好抵仲要係非常香脆。