那個ㄋㄚˋ ㄍㄜ˙ (埃華街) (已搬遷) 新店位置

二訪呢間大角嘴人氣台式便當餐廳，今日星期日等咗15分鐘就有位，big lucky，可惜感覺上佢嘅份量縮咗水，水準又比起半年前食有啲下降咗呢( ；∀；)，wuwu。；那個滷排骨便當 $66招牌菜塊排骨同上次一樣咁巨型，家父表示仲大過佢塊面👹。排骨外脆內軟，滷得好入味，但今次個味同印象中唔同，有啲失望，典解個汁咁甜嘅?0?，借問聲廚房是咪撈亂咗糖同鹽🤣？；古早味手工滷肉便當 $62學連登仔話齋，究竟古早味係咩味？我都唔知喎。雖然滷肉份量多，肥瘦適中，但個汁同排骨一樣太甜，有啲失手，唔推薦。；香酥脆雞便當（鹽酥）$64本日最驚喜，脆雞醃得入味，調味恰到好處，外脆內嫩，肉汁豐富。；臺南蝦捲便當（海苔）$58所謂海苔味只不過係面頭啲綠色粉，無咩味。蝦捲新鮮整起，蝦肉彈牙熱辣辣，但得細細幾條，份量較少唔滿足，可skip！比起主菜，呢度嘅配菜似乎更維持到水準，很有台灣味。配菜每個禮拜都唔同，家母話好食到想叫個淨配菜便當。今次有宮保素丁、紅腐乳炒粉絲、麻婆豆腐、大白菜，撈飯一流。唯獨個焦糖玉子怪怪地，同臺式便當完全唔夾。飲品正常發揮，杯鳳梨茶深得家父歡心，鳳梨嘅甜味突出，飲落開胃，係夏日嘅感覺🍍。