影片
更多
2022-05-21
1063 瀏覽
【#🦊🐰30秒食皮：呢度真係重口味之選、食肉獸天堂！香港美式肉品(grilled/roasted meat)餐廳嚟講呢間真係勁正🤤今次係我哋第二次嚟，試多咗幾款肉品🤤又比佢驚艷咗！特別係個beef short rib連啲朋友都話好好食😋開心！】#講朋友聚會去邊好🍻 #foodtalkpia_中環✨話說遇到呢間餐廳係一個🐰🦊美麗的誤會🤣本來我哋係想試吓Smoke&Barrels 呢一間餐廳嘅（都係食美式食物，有beef brisket 食）但係點知就誤打誤撞嚟到Smoke&Barrel 呢一間無個ssssss字嘅餐廳🥲但係點知一食！驚為天人！滿足到🦊的食肉獸胃袋又可以滿足到🐰對靚肉嘅要求！所以今次係我哋兩個第二次到訪，而且仲帶埋朋友一齊去😋咁就多啲人可以share多啲啦😈💬 小提示：因為全部都係肉類居多，放涼左就唔好食！仲要係因為佢嘅烹調方式係燒烤，肉質同口感凍咗就會變差，尤其係brisket同埋pulled pork！我哋就係食得唔夠快掛住傾偈，凍哂之後擺入口變到勁榎（鞋），連燒烤嘅味道都會冇埋🥲另外，如果你係超級重口味人，嫌啲肉品唔夠Smoky唔夠香嘅話可以再點餐廳枱面上嘅醬料🤤（🐰
#講朋友聚會去邊好🍻 #foodtalkpia_中環
✨話說遇到呢間餐廳係一個🐰🦊美麗的誤會🤣本來我哋係想試吓Smoke&Barrels 呢一間餐廳嘅（都係食美式食物，有beef brisket 食）但係點知就誤打誤撞嚟到Smoke&Barrel 呢一間無個ssssss字嘅餐廳🥲但係點知一食！驚為天人！滿足到🦊的食肉獸胃袋又可以滿足到🐰對靚肉嘅要求！所以今次係我哋兩個第二次到訪，而且仲帶埋朋友一齊去😋咁就多啲人可以share多啲啦😈
💬 小提示：因為全部都係肉類居多，放涼左就唔好食！仲要係因為佢嘅烹調方式係燒烤，肉質同口感凍咗就會變差，尤其係brisket同埋pulled pork！我哋就係食得唔夠快掛住傾偈，凍哂之後擺入口變到勁榎（鞋），連燒烤嘅味道都會冇埋🥲
另外，如果你係超級重口味人，嫌啲肉品唔夠Smoky唔夠香嘅話可以再點餐廳枱面上嘅醬料🤤（🐰唔食因為又酸又辣）
（以下肉品排名係絕對分先後嘅😝）
1️⃣Beef short rib $598
（🐰🦊👍🏻一致給予超級好評嘅肉品！全晚嘅重頭戲！）
🐰👍🏻都未食呀 一拮落去：HOLY MOLY 超柔軟！！脂肪同埋啲肉好分明，啲肉係一梳梳咁嘅，鋪滿滿滿嘅油光🤤就咁睇好似豬嘅五花肉！呢度見到嘅應該係靚嘅牛坑腩有時會痴埋嘅部份！一食落去，不意外地超淋🤤真係比個鬆軟嘅肉質口感overwhelmed咗！朋友都話好癲！至於味道方面就係帶少少grilled嘅味道😋超級好食！抵佢咁貴🥲🫶🏻
🦊👍🏻呢個直頭係鎮店之寶！Short Rib (牛小排）係牛肋骨位置嘅肉，帶有少少筋，要食好食嘅牛小排係好需要了解烹飪嘅時間！因為牛小排油花比較多，所以唔可以煮太生，但係太熟嘅話就會令到佢肉質變榎（鞋），所以拿捏時間都係一個學問。
但呢個 short rib 就係可以拿捏到，不但肉質鮮嫩，而且入口有即溶嘅感覺，美式牛小排要做到呢個層次係一件好難嘅事，而且肉汁豐富好Juicy，加上佢係有嗰種BBQ味道，唔使調味料，已經食到佢嗰種高質牛肉嘅鮮甜。
2️⃣All American Brisket (400g) $418
🐰🤔今次係我哋嘅二訪，所以係第二次食呢道菜！上次食就係覺得佢好好味，所以俾佢吸引咗返嚟做回頭客🫶🏻不過今次食就覺得有啲失色🥲可能上次俾佢拉高咗expectation，今次肉燒到有啲榎，比較乾咗少少。而且上面佢係鋪滿一層黑椒，令到件事就更加「𠝹」口🥲希望下次可以食到嫩啲、更加好食嘅🥲
🦊👍🏻牛腹部下的側肉，食落口比較鬆軟，加上佢有煙燻嘅味道，啲肉都係一絲絲嘅。其實佢可以同short rib媲美，我個人認為差short rib少少，就係爭咗入口即溶嘅感覺。不過呢款牛味就重啲。
3️⃣Cider glazed baby back ribs (½) $228
🐰👍🏻豬肋骨上面鋪滿嘅甜甜地但係帶好少好少酸汁嘅cider醬汁，微辣，但係啲肉輕輕一推就甩晒出嚟！！係主導林到咁樣！又係一梳梳好鬆化😭👍🏻
🦊👍🏻美式香烤燒肋骨，鍾意食豬嘅朋友一定要試！肉會釋出好香嘅燒烤味，配上佢哋特製嘅燒烤醬甜甜哋特別開胃，而且豬肉軟身，配啤酒嘅話非常出色。
4️⃣Pulled pork （200g） $198
🐰🤣 一入口好大浸Smoky味！不過呢一款真係建議嗌咗要盡快食！因為呢隻肉一凍咗就會硬身好多，而且肉質會變榎🥲200g已經好夠太多了反而會覺得好飽🤣
🦊🤔呢個嘅話我會推薦大家加醬汁。就咁食係有煙燻嘅味道，但係個人覺得比較單調，配搭醬汁更有層次感。
5️⃣Fiery Hot Wings+blue cheese dressing $128
🐰🦊🤔香辣雞翼，入口又唔算話好辣（不過🐰唔鍾意😝），雞翼體積都比較大。中規中矩，不過朋友話好食😋
Sides: Thick Cut Fries $78
薯條好厚切，（🦊：好似我面皮咁厚😎），上面鋪咗一啲甜甜地、有啲燒烤味嘅顆粒粉🤣食到🐰就嚟lur埋隻碟😋
🫶🏻🐰表示好似返咗去英國啲pub咁！環境幾舒服，而且有露天茶座！餐廳侍應大部份都係外國人，星期六日或者假期仲會有live band，好有氣氛😝好啱三五知己聚埋一齊飲下啤酒傾吓計！🦊🐰表示好彩睇唔到個s字去錯咗呢一間😝😝
📍Smoke & Barrel (中環)
中環雲咸街30-32號雲咸大廈1-2樓
張貼