SOLO UDON ソロうどん (已結業)

之前碌ig見呢間新開烏冬店，有時都會經過下個頭，有時間就試下。之前試過一次雞白湯味，係無乜記憶點嘅雞白湯，普普通通又有啲水。今日試佢嘅蝦湯，比起雞白湯好啲，湯底夠濃有蝦味，不過都係想像到嘅味道，未去到好驚艷。佢哋係用電子mon自助落單，但撳嘅時候驟眼睇似乎冇走蔥的選擇，本身唔食蔥的我表示呢到又扣了少少分加咗個抹茶罐裝蛋糕，抹茶味都唔錯，不過食到底有啲太濕潤，有啲水係底唔知係唔係啲慕絲？下次想試埋明太子撈烏冬，希望會比蝦湯更有驚喜啦。