朱敏記桑拿菜 (已結業)

之前同朋友黎食野，點知朋友一直對呢間大排檔念念不忘😂今晚見經開土瓜灣就約埋一齊去食，果然冇令我失望朱敏記生態魚頭王上次食飯已經見到隔離枱有人食呢個魚頭勁吸引🤩果然一上枱，魚頭份量真係好大，烹調時間岩岩好，魚雲啲啫喱狀滑嘟嘟，充滿膠原蛋白😆魚肉肉質嫩滑，充滿鮮味而且唔腥，滿滿蔥粒和特別既醬汁令到魚頭更加惹味，呢個時候碟邊既香酥薄餅發揮功用，將薄餅沾上魚汁，又係另一種食法，零舍滋味😋😋薯仔大腸大腸惹味香濃冇膻味，入口爽滑又軟嫩，充滿獨特既油香，而且仲有薯仔粒索晒啲醬汁，令到每粒薯仔都充滿香香辣辣既大腸香味😍配料包括洋蔥同少許辣椒，香味大大提升，送酒一流🍺