Delicious (已結業)

近年喺華都都開左唔少食店，食物類型唔再局限於小食，其中呢間熱狗店我都經常幫襯。早前喺網上見到小店因為租約期滿，黎緊24號就結業喇，同朋友大嘆可惜，我地都覺得喺屯門黎講算質素相當唔錯嘅熱狗店。未知老闆會否喺其他地方再開店呢？熱狗即時製作，有多款味道可選，特別喜歡佢地嘅自家製醬汁，柚子蜜糖芥茉、他他醬、蒜蓉醬、wasabi醬。另有小食，相對食過其他熱狗店，價錢合理。以往有套餐供應，熱狗配薯角、汽水大概四、五十蚊。不過近幾次經過都唔覺有，可能臨近結業，冇套餐都唔定。熱溶芝士夠大方，芝味夠濃，唔會食落冇料到熱狗腸足足8吋長，今次揀左雞肉腸，就冇上次嘅辣肉腸咁惹味。薯角都係現炸，好難唔好食。唯一挑剔係佢地係外賣店，冇位食，我次次都係拎落樓下吃。結業前唔知有冇機會去食多次呢。