岡山一番店 (秀茂坪商場)

營業中

休息中

朋友話我知觀塘秀茂坪商場開咗一間源自日本岡山，在當地已開業15年嘅拉麵。它主打香港少有嘅二郎系拉麵🍜，喜歡覓食不同派系日本拉麵嘅我，急不及待去試試🤭🤭我哋選了特盛半熟玉子拉麵🍜、大盛豚骨醬油沾麵🍜和追加了關東煮白蘿蔔🍢特盛半熟玉子拉麵 🍜450g 豚骨醬油湯底濃厚順喉，配上極粗方形麵條，形成獨特口感層次，每一口充滿嚼頭，且能把湯汁完美掛在麵條上。叉燒不錯，配上半熟醬油糖心雞蛋🥚、大量肥嘟嘟嘅芽菜、蒜蓉🧄和青嫰蔬菜🥬🥬，為味蕾帶來豐富口感。大盛豚骨醬油沾麵🍜300g 豚骨醬油和大量豬脂背組合嘅湯汁，質地濃稠，味道更濃厚，而且粗身方形麵條，增加掛汁力，口感亦有嚼頭。叉燒兩大片，肉味濃但可惜部份質地有點嚡。不過加上大量蒜蓉🧄、蔬菜🥬🥬和芽菜，增加爽脆感和香濃嘅蒜香味。關東煮白蘿蔔🍢白蘿蔔清甜冇渣，吸收咗湯頭嘅精華，味道不錯，單飲清湯亦非常清爽順喉，唔會感到口渴。值得一試！總括來說，岡山一番座位尚算闊落舒適，拉麵份量極大，芽菜免費增加四倍，飽肚感十足，打卡一流，震撼感極大，價錢亦相宜。仲有其他定食和關東主題，選擇不少，如果想試二郎系拉麵，不妨去試試囉😊😊