影片
更多
2024-10-19
489 瀏覽
響朗豪坊睇完戲搵地方食野, 但係商場好多餐廳都差唔多LAST CALL, 所以都係出出面睇下有咩食. 行後一條街見到呢間為食坊開到成十二點, 啱晒心水.扶手梯一上到去, 環境幾大, 好多卡位但唔迫, 而且地下好乾淨.兩個人諗住隨意食少少, 所以要個沙鍋雲吞雞. 一上枱好大個鍋, 數一數雲吞有八粒, 細大約係細雞既半隻, 仲有少少菜, 份量非常十足.先飲啖湯, 熱辣辣飲左個胃暖粒粒, 好濃既雞香味, 唔油膩, 好順口.食粒雲吞, 皮夠薄, 皮無煮到爛晒. 餡料好足, 夠彈牙. 如果唔夠雲吞仲可以追加八蚊隻.雞肉唔老, 皮滑肉嫩, 好容易撕出黎食.跟住叫左牛肉餅, 有分大細, 細都係十六蚊, 個皮煎到好香口又夠薄, 一分開啲肉汁係咁湧出黎, 啖啖牛肉餡, 真係好味.原本食完呢兩樣都飽飽地, 但係見到呢度原來仲有甜品, 中西式都有, 又忍唔住要個芝麻糊, 仲可以另加湯丸.芝麻糊入口好滑, 侍應話係佢地餐廳生磨, 唔怪得好味啲, 而且甜度剛剛好, 食完好滿足.另外呢度好多侍應, 幾乎未舉起手就已經行左過黎問你要咩, 反應快又禮貌.
扶手梯一上到去, 環境幾大, 好多卡位但唔迫, 而且地下好乾淨.
兩個人諗住隨意食少少, 所以要個沙鍋雲吞雞. 一上枱好大個鍋, 數一數雲吞有八粒, 細大約係細雞既半隻, 仲有少少菜, 份量非常十足.
先飲啖湯, 熱辣辣飲左個胃暖粒粒, 好濃既雞香味, 唔油膩, 好順口.
食粒雲吞, 皮夠薄, 皮無煮到爛晒. 餡料好足, 夠彈牙. 如果唔夠雲吞仲可以追加八蚊隻.
雞肉唔老, 皮滑肉嫩, 好容易撕出黎食.
跟住叫左牛肉餅, 有分大細, 細都係十六蚊, 個皮煎到好香口又夠薄, 一分開啲肉汁係咁湧出黎, 啖啖牛肉餡, 真係好味.
原本食完呢兩樣都飽飽地, 但係見到呢度原來仲有甜品, 中西式都有, 又忍唔住要個芝麻糊, 仲可以另加湯丸.
芝麻糊入口好滑, 侍應話係佢地餐廳生磨, 唔怪得好味啲, 而且甜度剛剛好, 食完好滿足.
另外呢度好多侍應, 幾乎未舉起手就已經行左過黎問你要咩, 反應快又禮貌.
張貼
