大江戶日本料理

營業中

休息中

因為住哩頭，所以五年前都幫襯過哩間餐廳數次，仲有次見到面扁扁既張燊悅同Mark一齊食嘢添..五年以嚟凈低既記憶，就係：佢地啲魚生竟然唔新鮮架！可能解凍解得唔好，啲魚生肉質過腍，有水出而味淡。當時既感覺係平均消費幾百蚊一個人竟然俾啲咁既貨仔人客食？但本著俾多次機會佢既心態，再去幫襯佢啲午餐。最平既set要成百元，今次避開唔嗌魚生壽司，主菜要鐵板牛肉卷(內包份量很多的葱)。結果驚喜莫名！本來唔食葱既同行友人，竟然將全部葱同牛肉掃晒，所食葱的份量比佢由出世到而家還要多。(佢三十歲喇~)結論就係，佢哩度啲鐵板水準比魚生既來得好。但當然，這是五年前的經驗，觀乎現在他們推出了多個套餐，價錢如五年前般昂貴，質素未知是否仍如五年前一樣。