美味故事 (已結業)

穿過人煙稠密嘅旺角，踏入呢間樓上cafe，有如進入了世外桃源，莫名其妙的有一種很治癒嘅感覺。看看餐牌，選擇不多，但在自由的選擇及配搭之下，很能滿足食客不同的口味需要。無潻加芒果沙冰味道清新，蘑菇湯正常水準。賞心悅目的寒天海藻沙律，加上柚子黑醋汁，是經歷一天辛勞工作之後的最佳賞賜，能讓精神好好休息。預期是清淡的豆腐餅，卻口味有點重。對肉食冇咩偏好嘅我選擇咗黑松露芝士焗大啡菇，用料十足，大啡菇、薯蓉、香濃芝士、黑松露，味道各不相爭，每一層食材嘅味道都細緻突出，就是美味。配菜，煙三文魚焗薯配上蛋沙律醬汁，焗薯經水煮再烤焗，少了烤焗的味道有點失色。水果茶消滯。香滑北海道牛奶布丁，完美的終結。店子空間寬敞，寧靜悠和嘅音樂，用心制作嘅食物，是三五知己相聚嘅好地方。加上店員親切，又適時地呈上每一道菜，確實能令五感大解放，一天的工作壓力全然盡消。