民華魚蛋粉麵

營業中

休息中

最近幫襯完魚蛋粉，今日忍唔住要再黎幫襯喇 😆 不過今次就叫咗另外幾樣好野食，叫咗好出色既西多士同常餐。西多士 ($17) : 見到實物已經流哂口水，西多士炸至呈現金黃色，又靚又大份，食落口蛋味香濃，好食得嚟又唔覺太膩。西多士真係好出色，相信食過既朋友仔大部分都會認同，簡直係臥虎藏龍。😍 😍 😍常餐 ($41) : 揀咗沙嗲牛肉通粉、餐肉炒蛋、即烘牛油多士 ; 炒蛋一貫保持到水準幾滑口，而即烘牛油多士厚身得黎，口感軟熟，沙嗲牛肉通粉味道亦濃郁。