影片
更多
2018-12-22
692 瀏覽
菠蘿葡萄分子料理（贈送）🌕🌕🌕🌕🌗口感係好綿密既細泡，入口即溶，雖然清新，但味道好濃郁，菠蘿味最出，好似食左一整個菠蘿咁，係味蕾上既享受。-加左$32轉套餐，有餐湯同飲品。1987’s 法式龍蝦湯🌕🌕🌕🌕🌕本身只配普通餐湯，但店員話like佢地ig或Facebook page就可以免費升級龍蝦湯同牛肝菌湯！！OMG，真係超抵！碗龍蝦湯好似濃縮左8隻龍蝦咁，爆鮮味，而且食到有蝦膏味，神級正！-牛肝菌湯🌕🌕🌕🌕🌕呢個好飽肚，原因係湯入面有好多切碎左牛肝菌，大細岩岩好，唔洗咬好耐就吞到，而且飲落個湯仲鮮啲tim。-蕃茄汁🌕🌕🌕🌕🌑我個人爆愛蕃茄，所以叫左呢杯蕃茄精華。-菠蘿汁🌕🌕🌕🌕🌗最岩小清新既你地，清甜～仲有蘋果汁同橙汁簡，而且個燒杯幾靚同好大杯！打卡一流。-餐包 （贈送）🌕🌕🌕🌕🌗薄切，食哂唔會太飽，最怕餐包勁大舊，食完飽左一半，唔食又浪費，呢間唔會有呢個問題。餐包邊位好脆，內心好煙韌，真係愈咬愈愛。包既氣孔大，可能有人會話唔夠綿密，但我覺得呢個係優點，食落唔會太飽。個餐包點乜都正，配搭埋啲湯一齊食仲正！-焗蟹餅配芒果莎莎及紅波椒汁 $128 *🌕🌕🌕🌕🌖蟹餅係原隻蟹新鮮拆肉，好難得入
🌕🌕🌕🌕🌗
口感係好綿密既細泡，入口即溶，雖然清新，但味道好濃郁，菠蘿味最出，好似食左一整個菠蘿咁，係味蕾上既享受。
-
加左$32轉套餐，有餐湯同飲品。
1987’s 法式龍蝦湯
🌕🌕🌕🌕🌕
本身只配普通餐湯，但店員話like佢地ig或Facebook page就可以免費升級龍蝦湯同牛肝菌湯！！OMG，真係超抵！碗龍蝦湯好似濃縮左8隻龍蝦咁，爆鮮味，而且食到有蝦膏味，神級正！
-
牛肝菌湯
🌕🌕🌕🌕🌕
呢個好飽肚，原因係湯入面有好多切碎左牛肝菌，大細岩岩好，唔洗咬好耐就吞到，而且飲落個湯仲鮮啲tim。
-
蕃茄汁
🌕🌕🌕🌕🌑
我個人爆愛蕃茄，所以叫左呢杯蕃茄精華。
-
菠蘿汁
🌕🌕🌕🌕🌗
最岩小清新既你地，清甜～仲有蘋果汁同橙汁簡，而且個燒杯幾靚同好大杯！打卡一流。
-
餐包 （贈送）
🌕🌕🌕🌕🌗
薄切，食哂唔會太飽，最怕餐包勁大舊，食完飽左一半，唔食又浪費，呢間唔會有呢個問題。餐包邊位好脆，內心好煙韌，真係愈咬愈愛。包既氣孔大，可能有人會話唔夠綿密，但我覺得呢個係優點，食落唔會太飽。個餐包點乜都正，配搭埋啲湯一齊食仲正！
-
焗蟹餅配芒果莎莎及紅波椒汁 $128 *
🌕🌕🌕🌕🌖
蟹餅係原隻蟹新鮮拆肉，好難得入面完全無碎殻，唔散，食得好放心！煎香4邊既蟹餅on top加左新鮮芒果同小小蟹籽，增添左口感，味道幾夾幾特別，可以帶出蟹肉既鮮味。芒果一啲渣都無，搞到我以為係芒果布甸，勁清甜啊！紅椒汁食落淡出好清既紅椒味，點埋食又一味覺享受！
-
新鮮波士頓龍蝦 （熱溶芝士焗）$288 *
🌕🌕🌕🌕🌕
幾大隻，而且極新鮮，食落唔似雪藏龍蝦！龍蝦口感爽口彈牙，可以媲美一個8歲小孩既肌膚，輕輕一拉就可以起到成條肉，蟹箝肉多到食落超幸福！超滿足！伴碟焗薯同沙拉一啲都唔求其，好飽好正！
-
慢煮紅酒燴牛仔粒意粉 $118 *
🌕🌕🌕🌗🌑
呢個有小小失望，蕃茄味幾出，意粉都軟硬適中，但牛仔粒因為切得太細舊，所以好易熟，一熟就好硬而且無味，好似煲完湯既湯渣咁。食到有一舊稍為大舊啲既肉，好腍好軟糯。所以我覺得係部位既問題，如果肉切大舊啲，或轉用牛臉頰，整體會好好多，就算貴小小我都無所謂。
——
*需加一
我覺得10%好抵比，因為服務真係好到位同貼心，因為我地share食，每食完一個餸都會幫我地換碟！五星級服務。／／環境有feel，播既歌走歐美風，好有情調。仲有塊黑色鏡，影倒影都一流，黎緊聖誕係度慶祝都唔錯！
張貼
