五箇山 (已結業)

琴晚男朋友仔嚟咗接我放工, 好開心呀!我地落咗銅鑼灣食飯, 不過又諗唔到食咩好!喺SOGO隔離見到有間上樓嘅日本嘢, 個名好得意架! 叫做「五箇山」! 就上去試下好唔好食~我地坐係窗口位,經理話依家做緊個promotion,有三款大大舊嘅特盛壽司: 有甜蝦壽司、三文魚子軍艦同埋吞拿魚腩卷佢最特別嘅就係佢d配料好大份, 唔會淨係得舊飯大~真係估唔到佢一件甜蝦壽司有成6條甜蝦,仲要一客兩件添!!!好誇張呀!!!個三文魚子軍艦只可以用一個詞語嚟形容: 滿瀉!D魚子多到圍住舊軍艦!!男朋友仔淨係鐘意個碎吞拿魚腩卷!D碎吞拿魚腩又鋪滿晒個卷,仲要入口即溶, 六件差唔多俾佢食晒!不過佢都好抵錫,留返一舊俾我試下~ 我就自己食晒個好好味嘅甜蝦壽司同三文魚子軍艦, 呵呵!我仲叫多咗個氷見烏冬 (唔知氷字點讀呢?)好爽口彈牙嘅冷烏冬! yummy!男朋友對個朴葉燒好有興趣, 就叫埋嚟試下!估唔到真係成塊朴葉放喺個爐上面燒架! 好勁啊!!D朴葉嘅香味加埋和牛真係正正正! 勁好味囉!!下次再同D姊妹上嚟食先!!