Return Coffee House (已結業)

係觀塘區，Return Coffee House 絕對絕對係我會比好高評價嘅餐廳之一！我最鍾意嘅係佢哋嘅latte ，曾經有問過佢哋可唔可以轉skim milk（怕肥嘛）佢哋話冇。不過可能就係因為呢個原因，佢嘅latte 特別好飲👍🏽 可以話同其他咖啡連鎖店根本無得比！絕對唔係誇張！因為杯咖啡，通常係你用餐完之後，佢先會送上，咖啡夠熱，係其中一個冇得輸嘅要點。同埋佢好就好在，佢唔苦又唔會帶酸味！所以佢杯latte 係值⭐️⭐️⭐️⭐️⭐️！佢嘅主食都好好味㗎！同埋要讚一讚佢哋 - 會考慮到素食人士！因為之前黎呢間餐廳，佢一係牛、一係豬、一係雞，素食人士根本就冇選擇。不過後來，佢除咗加咗素嘅選擇之外，佢仲整理咗menu 食物嘅類別 ： 有pasta，risotto，sandwich，All Day Breakfast⋯⋯ (相比起之前，佢個menu 唔係麵就係飯）依家個menu 太眾化咗好多！抵讚！👍🏽