影片
更多
2019-07-21
36 瀏覽
話說屯門區嘅餐廳已經食到厭厭地，包括Vcity嘅餐廳都食慣曬咁滯。不過好彩，最近喺Vcity對面開咗幾間新嘅西餐廳，全部都係好靚仔，非常驅使到我哋去試下。所以今次我哋去咗其中一間餐廳，Food Combo呢度嘅環境都幾簡潔，同埋我幾鍾意去雲石嘅桌子。Set lunch屯門區嚟講索價偏貴，但每一個餐嘅感覺非常豐富，基本上每個餐都有餐湯，小食，沙律，主菜，水果同埋任飲嘅飲品，所以嚟講非常有滿足感，而且真係未必食得曬。我哋今次叫咗個三文魚餐同埋雜扒餐。三文魚餐。紅菜頭沙律，我都係第一次食，感覺都覺得幾清新。羅宋湯，飲落酸酸地都幾開胃。炸雞塊小食，睇得出係新鮮炸起，而且加咗啲醬汁，食落都幾好食。香煎三文魚，呢個真係值得推薦，三文魚煎到外皮好脆身，分量亦都相當大，肉質都幾有咬口，加上個魚柳係配咗蛋黃醬，陪住三文魚食感覺非常match，另外薯蓉同埋粟米嘅份量都好多。時令水果，乜都有啲，水果都係多汁同新鮮。另外朋友仔就叫咗個雜扒餐，佢個沙律就係薯仔沙律，佢話都唔錯嘅。雜扒餐都豐富嘅，有牛扒雞翼香腸，同埋煙肉。牛扒係薄身嗰隻，肉質都係鮮嫩嘅，而朋友仔話最好食係條腸仔👍👍👍飲品佢有三隻飲品，我純粹試咗右
話說屯門區嘅餐廳已經食到厭厭地，包括Vcity嘅餐廳都食慣曬咁滯。不過好彩，最近喺Vcity對面開咗幾間新嘅西餐廳，全部都係好靚仔，非常驅使到我哋去試下。所以今次我哋去咗其中一間餐廳，Food Combo
呢度嘅環境都幾簡潔，同埋我幾鍾意去雲石嘅桌子。
Set lunch屯門區嚟講索價偏貴，但每一個餐嘅感覺非常豐富，基本上每個餐都有餐湯，小食，沙律，主菜，水果同埋任飲嘅飲品，所以嚟講非常有滿足感，而且真係未必食得曬。我哋今次叫咗個三文魚餐同埋雜扒餐。
三文魚餐。
紅菜頭沙律，我都係第一次食，感覺都覺得幾清新。
羅宋湯，飲落酸酸地都幾開胃。
炸雞塊小食，睇得出係新鮮炸起，而且加咗啲醬汁，食落都幾好食。
香煎三文魚，呢個真係值得推薦，三文魚煎到外皮好脆身，分量亦都相當大，肉質都幾有咬口，加上個魚柳係配咗蛋黃醬，陪住三文魚食感覺非常match，另外薯蓉同埋粟米嘅份量都好多。
時令水果，乜都有啲，水果都係多汁同新鮮。
另外朋友仔就叫咗個雜扒餐，佢個沙律就係薯仔沙律，佢話都唔錯嘅。
雜扒餐都豐富嘅，有牛扒雞翼香腸，同埋煙肉。
牛扒係薄身嗰隻，肉質都係鮮嫩嘅，而朋友仔話最好食係條腸仔👍👍👍
飲品佢有三隻飲品，我純粹試咗右邊嘅凍檸茶，唔會太甜都幾好。
總結，雖然價錢貴咗少少，但絕對係食呢個價嘅，五道菜嘅餐真係食完超級飽和滿足，誠意推介大家嚟食。
張貼
