影片
更多
2016-04-20
4837 瀏覽
期待已久既美食聚會，今次地點由嘉雯姐提議試一試泰北風情，但何為泰北菜呢？我跟幾位朋友仔首批到達，探一探路、視察環境，飲返兩杯啤酒熱熱身先。早前已上網備足貨，對食物有一定既慨念，都略略知道餐廳有咩美食提供，今晚難得 9 位朋友抽到空出席，可以點更多菜，可以試多一點。到等左一段時間，但朋友們還未到齊，因為實在太肚餓，大家投票決定 order 小食頂住肚先，我當然讚成啦。Order 幾款前菜後，侍應隨即端上泰式醬料，器冊精緻，整齊地一字排開。5 款泰式調味料，魚露、酸辣汁、甜酸醬、薄荷醬、青瓜醬油，其具特色，因應個人喜好隨便享用。食越南菜飲越啤、食日本菜飲 saka、食韓國菜飲真露、食西班牙菜飲 sangria、食泰菜當然飲泰啤啦 ﹗泰國 Siha 啤酒，第一次試，好飲過泰象啤喎，冰凍清爽重啤酒味。泰式生蝦刺生，明顯不是生劏即做，欠缺鮮味、欠缺黏黏濕潤質感呢。只爽但不彈，大路穩陣派。傅統正宗配料，夾上辣椒苦瓜沾埋大量酸汁同吃，甘香微辣，醒神醒腦，味道還可以。炸蝦頭就麻麻地，完全無味既？感覺不到香脆又無蝦膏，麻麻地。炸女婿蛋，睇埋英文 Fried son in law eggs 都想像唔到係什
到等左一段時間，但朋友們還未到齊，因為實在太肚餓，大家投票決定 order 小食頂住肚先，我當然讚成啦。Order 幾款前菜後，侍應隨即端上泰式醬料，器冊精緻，整齊地一字排開。5 款泰式調味料，魚露、酸辣汁、甜酸醬、薄荷醬、青瓜醬油，其具特色，因應個人喜好隨便享用。
食越南菜飲越啤、食日本菜飲 saka、食韓國菜飲真露、食西班牙菜飲 sangria、食泰菜當然飲泰啤啦 ﹗泰國 Siha 啤酒，第一次試，好飲過泰象啤喎，冰凍清爽重啤酒味。
泰式生蝦刺生，明顯不是生劏即做，欠缺鮮味、欠缺黏黏濕潤質感呢。只爽但不彈，大路穩陣派。傅統正宗配料，夾上辣椒苦瓜沾埋大量酸汁同吃，甘香微辣，醒神醒腦，味道還可以。炸蝦頭就麻麻地，完全無味既？感覺不到香脆又無蝦膏，麻麻地。
炸女婿蛋，睇埋英文 Fried son in law eggs 都想像唔到係什麼菜色，不過我一早上網睇左喇，點都試試，哈哈 ﹗竽絲炸成雀巢再盛著炸白鴿蛋，賣相就一流喇，即叫即炸，氣味迫人。原隻炸蛋啪入口，微溫又唔係太熱喎。
整個菜以大量燒烤醬撈成，食不出有任何其他調味，甜味濃厚單調，墊底既豬肉絲跟鴿蛋及雀巢全部一樣味道，香口就幾香口，雀巢卜卜脆。如果所有食材鴿蛋、雀巢、豬肉絲同一時間食，會較有趣，生色不少。
香炸胡椒牛柳粒，依碟叫牛柳絲，唔係牛柳粒啦。食落質感同味道跟我係 7-11 買既零食五香牛柳乾一模一樣，只係較濕同埋熱架囉。淡淡胡椒味，太含蓄唔夠突出，咬茖香口，外層微脆而內裡 juicy，助酒小食不俗。
青木瓜沙律，朋友們話辣，但我完全食唔出，微酸不辣非常清淡。青木瓜絲跟其他雜菜絲撈埋一齊都分不清了，爽口多汁，可請口腔清爽一下。
炸免治豬肉球，貌似咸魚煎肉餅，味道 100% 完全係生菜包既炒豬肉鬆，散發著香茅、魚露、乾蔥、紫洋蔥、香葉、等等既氣味，落味都幾重手，都合格既。外脆而裡面食到一粒粒肉鬆，沒有醬肉剁成漿，而且炸得不夠乾爽，略帶油膩。
炸通菜 morning glory，英文名叫好有趣啊 ﹗咁奇怪叫牽牛花？通菜英文係 water spinach 架麻。一直對依味餸好期待，雜菜天婦羅就食得多，通菜天婦羅都係第一次。外觀都幾可愛，好似樹枝呢。炸粉太多食唔到到通菜味道，亦聞唔到什麼香氣，勝在特別。炸得略脆但有點油膩不乾爽，油唔夠滾，一係就炸兩次啦。
炸魚餅，香茅味勁濃厚，帶少少清爽檸檬葉酸味，魚肉嫩滑，略略偏咸，新鮮稍遜而彈力不足似魚腐。
炸蝦餅，大路普通，蝦膠微彈，炸得非常鬆脆香口，試左幾款炸物，暫時炸得最好係蝦餅，乾爽金黃香脆不油不膩。師傅依舊調味重手，咸味突出而鮮味欠棒，都係掉落泰式甜酸醬打兩個關抖先食為妙，即刻好味左。
香辣牛腩湯，真係招牌菜？牛腩唔錯有質數，已盡吸香料味道，夠腍夠鬆化。不過牛腩都無辣味既，仲微過 BB 辣，即係湯同牛腩係分開煮囉。湯底比中辣辣少少，味道實在太單調，全部來致乾辣椒粉，有點悶，只辣不香，一般。而且個湯都無牛味既，牛還牛、湯還湯，菇味、茄味就多喇。
豬肉生菜包，炒得乾身，豬肉鬆非常香口嚥韌，不過只有香料味但無酸無辣，泰北係如此風格？係依隻味？我平時食開要加辣的呢。用鮮爽翠綠又充滿水份生菜包住食，一邊濃郁、一邊清新，但味道又出奇地夾，好味道 ﹗
黃咖哩牛腩，侍應哥哥介紹有紅黃綠咖哩供應，款款唔同味道。眼見份量都幾細架喎，一個人都唔夠食啦，我地 9 位食家呢。
黃咖哩牛腩，深橙黃色咖哩汁，睇到都覺得好甜呀 ﹗特濃超級甜椰子奶味道，非常幼滑而厚身，好似食緊椰子雪糕一樣呢，仲見到混入左大量新鮮蘋果啊。牛腩只有三四舊仔，份量少得可憐，跟剛才牛腩湯既份量一樣。咖哩無牛腩味，仍舊腩還腩、汁還汁，無一齊炆過煮過，是但撈埋一齊就出貨。
青咖哩雞，黃咖哩係 5 級甜，依個青咖哩都唔弱有 4 級，椰子奶味依舊強勁霸道，唔食得辣既食家們黎 Siam 28 嘆咖哩就最適合喇。雞胸肉又乾又鞋又硬，份量免強有四五舊仔既，仲混有少量雜菌。味道較黃咖哩清爽，不太膩滯。
薄餅，專登 order 用黎點咖哩食架，咖哩即時好味左，無咁甜 ﹗薄餅軟塾棉棉富彈性，咸香吸引，配上青咖哩或黃咖哩同樣好好味，搶呀 ﹗
烤豬頸肉，真係好難話唔好食，容易調味又容易煮理，暫時未試過一間食肆連豬頸肉都烹調唔到。碳燒香味出眾，外層微燶剛剛好，香口又唔會帶苦澀味道。外面乾爽而裡面濕潤，肉汁微滲香甜，彈牙爽爽的，必食之選，滿意。
炒魚肚，香葉、紅椒、芽菜混埋一齊炒，但全部我都唔食呢。挑蝦仁試試，鮮爽香甜，好味啊 ﹗魚肚本身無咩，跟蛋一齊炒，已充滿著蛋香味道。炒蛋嫩滑甘甜，炒功好，夠鑊氣，好味。
煎蠔仔，炒蛋金黃香噴噴，蠔仔雪白肥美，鮮味突出，係口內不停爆破，蠔汁跟滑蛋完全合體，味道升致頂尖 ﹗
辣椒膏炒花蛤，不是生炒花蛤，出過水烚過無鮮味無花蛤味。蛋白質已流失，花蛤肉變得瘦猛猛薄衣衣。辣椒膏本身帶甜，辣味微弱得很，炒得唔好食。
炒金邊粉，外觀藝術品一樣，設置精緻又考功夫，好有心思。我地見到個蛋網都為之驚歎，好難做啫！最初見到有條蔥插係度唔知想點呢？做裝飾似乎多此一舉喎，後來先發現原來係海龜條尾，哈哈！
真係要加好多想像力先得睇得到，有頭有腳仲有尾添。上菜時以為係炒飯添，睇真一點原來係蛋網蓋住金邊粉啊。金邊粉燶左喇，好大陣燶味，質地嚥韌有彈力，強烈甜味不太喜歡。最正係香煎蝦球，香口惹味、爽彈甜美。
蝦醬炒飯，難得的美味 ﹗蝦醬堅香，清香不咸不嗆，炒得飯粒乾爽飽滿，每粒飯都平均沾上蝦醬跟豉油，撈埋滑蛋指天椒再搭塊泰式臘腸，絕對的停不了口，好好食呀 ﹗
辣炒通菜，即馬拉盞炒通菜，都預左馬拉盞偏油架喇。旱通甚少爽嫩多汁又不硬，不過今次質數堅好呢，而且炒得微辣香口有鑊氣，好食，係油左少少啦。
椰汁糕，放得整齊又美觀，食慾都增加不少啦。嚥韌彈牙，口感一絕，椰汁清香不濁，連我唔食甜品既都覺好掂，好味道。
炆皇帝蕉，估唔到係冷盤。大家一試震驚！硬蕉？質感非常特別，勁度極似粟子呀，連味道都非常似，好搞笑有趣！味道清淡，配上甜甜椰汁，不過不失，可以一試。
芒果糯米飯，升級 fusion 版黎喎，聯想到加蛋香煎糯米雞囉。將糯米飯切成餅狀再加蛋乾煎，好香好嚥韌而且散發出強烈蛋香及糯米芳香，口感味道都好特別，配以甜甜椰汁，好味喎 ﹗再試試切舊芒果用糯米飯夾住咬，涼浸浸酸甜多汁果香撞上暖笠笠嚥韌椰香糯米飯，味覺視覺觸覺都超陳出新，絕呀 ﹗
自攜阿腎手造蛋糕，勝過今晚所有食物，真係堅好味，連我討厭甜味既都忍唔住食住一舊。朱古力忌廉提拉米蘇軟塾滑溜香濃甜美，好正 ﹗
5 款泰式調味料
277 瀏覽
0 讚好
0 留言
5 款泰式調味料
154 瀏覽
0 讚好
0 留言
5 款泰式調味料
90 瀏覽
0 讚好
0 留言
5 款泰式調味料
62 瀏覽
0 讚好
0 留言
泰國 Siha 啤酒
53 瀏覽
0 讚好
0 留言
泰國 Siha 啤酒
71 瀏覽
0 讚好
0 留言
泰式生蝦刺生
38 瀏覽
0 讚好
0 留言
炸女婿蛋
54 瀏覽
0 讚好
0 留言
香炸胡椒牛柳粒
39 瀏覽
0 讚好
0 留言
青木瓜沙律
37 瀏覽
0 讚好
0 留言
炸免治豬肉球
40 瀏覽
0 讚好
0 留言
炸通菜
39 瀏覽
0 讚好
0 留言
炸魚餅
37 瀏覽
0 讚好
0 留言
炸蝦餅
36 瀏覽
0 讚好
0 留言
香辣牛腩湯
36 瀏覽
0 讚好
0 留言
豬肉生菜包
29 瀏覽
0 讚好
0 留言
黃咖哩牛腩
24 瀏覽
0 讚好
0 留言
黃咖哩牛腩
31 瀏覽
0 讚好
0 留言
薄餅
35 瀏覽
0 讚好
0 留言
青咖哩雞
27 瀏覽
0 讚好
0 留言
烤豬頸肉
23 瀏覽
0 讚好
0 留言
炒魚肚
25 瀏覽
0 讚好
0 留言
煎蠔仔
30 瀏覽
0 讚好
0 留言
辣椒膏炒花蛤
39 瀏覽
0 讚好
0 留言
炒金邊粉
24 瀏覽
0 讚好
0 留言
蝦醬炒飯
37 瀏覽
0 讚好
0 留言
辣炒通菜
21 瀏覽
0 讚好
0 留言
椰汁糕
33 瀏覽
0 讚好
0 留言
椰汁糕
48 瀏覽
0 讚好
0 留言
炆皇帝蕉
88 瀏覽
0 讚好
0 留言
芒果糯米飯
78 瀏覽
0 讚好
0 留言
芒果糯米飯
73 瀏覽
0 讚好
0 留言
自攜阿腎手造蛋糕
39 瀏覽
1 讚好
0 留言
自攜阿腎手造蛋糕
49 瀏覽
1 讚好
0 留言
張貼
